Քաղաքական07:31, 27 Փետրվար 2019
Թուրքիայի նախկին վարչապետ Ահմեթ Դավութօղլուի հետ կապվող նոր կուսակցությունը կհիմնվի սեպտեմբերին
Թուրքիայում վերջին օրերին ակտիվացել են Էրդողանի գլխավորած իշխող «Արդարություն և զարգացում կուսակցության» (AKP-ԱԶԿ) ներկա ու նախկին անդամների մասնակցությամբ ստեղծվելիք նոր կուսակցության մասին խոսակցությունները:
Ըստ մամուլում շրջանառվող տեղեկությունների՝ նոր կուսակցության հիմնադիրների մեջ են լինելու Թուրքիայի նախկին վարչապետ Ահմեթ Դավութօղլուն, նախկին նախագահ Աբդուլլահ Գյուլը, նախկին արտգործնախարար Ալի Բաբաջանը, ԱԶԿ-ի ներկայիս պատգամավորներ և այլք:
Այդ խոսակցություններն ավելի հաճախակիացան «մի նոր կուսակցություն» (yenibirparti.org) պայմանական անունով ինտերնետ կայքի ստեղծման ֆոնին: Թուրքական լրատվամիջոցները նշյալ կայքը կապում են հենց Դավութօղլուի կողմից ստեղծվելիք կուսակցության հետ:
Թեմային հասցրել է անդրադառնալ նաև նախագահ Ռեջեփ Թայիփ Էրդողանը՝ ակնարկելով, որ մի շարք ԱԶԿ-ականներ ցանկանում են անդամագրվել նոր ստեղծվելիք կուսակցությանը:
«Երևում է ԱԶԿ-ի ընդհանուր տանիքը չհավանող և իրենց համար այլ տանիք փնտրողներ կան: Մարդիկ, որոնց հետ միասին ճանապարհ ենք անցել, ցանկանում են մեր գնացքից իջնել, այլ գնացք նստել»,- ասել էր Էրդողանը վերջին հանրահավաքներից մեկում ունեցած ելույթի ժամանակ:
Ըստ շրջանառվող տեղեկությունների՝ Դավութօղլուի կողմից ստեղծվելիք կուսակցությունը մայիսին հռչակագիր կընդունի, իսկ սեպտեմբերին արդեն պաշտոնապես կհիմնադրվի:
Այս ենթաբաժնի վերջին նորությունները
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Հանդիպման օրակարգի վերաբերյալ մանրամասներ չեն հաղորդվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |