Մերալ Աքշեներ. «Էրդողանի գրառումը վիրավորում է ժողովրդի կեսին, ինչն անընդունելի է և ամոթալի»

Քաղաքական07:13, 28 Փետրվար 2019

Մերալ Աքշեներ. «Էրդողանի գրառումը վիրավորում է ժողովրդի կեսին, ինչն անընդունելի է և ամոթալի»

Թուրքիայի նախագահ Ռեջեփ Թայիփ Էրդողանը Twitter-ում գրառում է կատարել մարտի 31-ին կայանալիք ՏԻՄ ընտրությունների վերաբերյալ:

Գրել է, որ Թուրքիայում այսօր երկու դաշինք առճակատման մեջ են. իշխող կուսակցության և «Ազգայնական շարժում կուսակցության» (MHP-ԱՇԿ) կազմած «Ջումհուր» (Ժողովուրդ) դաշինքը մրցակցում է «ստոր դաշինքի» հետ:

«Ստոր դաշինք» ասելով՝ Էրդողանը նկատի ունի գլխավոր ընդդիմադիր «Ժողովրդահանրապետական կուսակցությանը» (CHP-ԺՀԿ), ազգայնական «Լավ» կուսակցությանը, քրդամետ «Ժողովուրդների դեմոկրատական կուսակցությանը» (HDP-ԺԴԿ) և «Երջանկություն» կուսակցությանը (SP):

Էրդողանի գրառմանն արձագանքել է ազգայնական «IYI» (Լավ) կուսակցության առաջնորդ Մերալ Աքշեները՝ տարածելով գրավոր հայտարարություն:

«Նախագահի կատարած վիրավորական գրառումն անընդունելի վերաբերմունք է մեր ժողովրդի առնվազն կեսի հանդեպ: Թուրքական պետության ավանդույթներից գիտենք, որ նախագահը չի կարող վիրավորել ժողովրդին: Դա ամոթալի և սխալ է»,- նշել է ընդդիմադիր կուսակցապետը՝ կոչ անելով հարգել սեփական ժողովրդին:

Աղբյուր` Demokrathaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։