Միջազգային09:01, 11 Մարտ 2019
Թուրքիան գերմանական լրատվամիջոցների 3 թղթակիցների արգելել է աշխատել իր տարածքում
Օրերս Թուրքիայի նախագահական պալատի տեղեկատվության վարչությունից մերժել են երկարացնել այդ երկրում աշխատող գերմանական լրատվամիջոցների 3 թղթակիցների լրագրողական քարտերը:
Լրագրողական քարտերը պարտադիր պայման են հանդիսանում օտարերկրյա լրատվամիջոցների թղթակիցների համար Թուրքիայում մասնագիտական գործունեություն ծավալել կարողանալու համար: Այդ քարտերը համարվում են նաև Թուրքիայում կացության իրավունք ստանալու համար անհրաժեշտ նախապայմաններից մեկը: Քարտերը չերկարացված լրագրողները ստիպված են լինում լքել Թուրքիան կացության իրավունքի ավարտից 10 օր հետո:
Թուրքիայի նախագահականի կողմից մերժված գերմանական «Tagesspiegel» թերթի և «ZDF» հեռուստաընկերության թղթակիցները մարտի 10-ին լքել են Թուրքիայի տարածքը, քանի որ նրանց կացության իրավունքի ժամկետը նույնպես ավարտվել էր՝ «Հյուսիսային Գերմանիայի ռադիոյի ու հեռուստատեսության միության» թղթակցի, որի կացության իրավունքի ժամկետը դեռևս չի ավարտվել:
Նշվում է, որ «Tagesspiegel» թերթի թղթակիցը արդեն 22 տարի աշխատում էր Թուրքիայում, իսկ ZDF հեռուստաընկերության թղթակիցը Թուրքիա էր գործուղվել 2018-ի հունվարին:
Լրագրողները հեռանալուց առաջ արած մամուլի ասուլիսում ասել են, որ Թուրքիան տեղական մամուլը գրեթե ամբողջովին լռեցնելու գործը հաջողելուց հետո, այժմ էլ փորձում է լռեցնել միջազգաին մամուլը: Նրանք նշել են, որ շարունակելու են Թուրքիայի վերաբերյալ իրենց մասնագիտական գործունեությունը, սակայն արդեն այդ երկրի սահմաններից դուրս:
Գերմանիայի արտգործնախարար Հայկո Մաասը «Tagesspiegel» թերթին տված հարցազրույցում անընդունելի է համարել գերմանական ու եվրոպական ԶԼՄ-ների ներկայացուցիչների մասնագիտական գործունեության խոչընդոտումը Թուրքիայում:
Նշենք, որ օրեր առաջ էլ Գերմանիայի ԱԳՆ-ը հայտարարություն էր տարածել՝ պահանջելով արագացնել գերմանական ԶԼՄ-ների Թուրքիայի թղթակիցների քարտերի տրամադրումը, որն արդեն 6 շաբաթ ուշացվում էր:
Հայտարարության մեջ նշվել է, որ Թուրքիայում աշխատող գերմանական լրատվամիջոցների թղթակիցների գրեթե կեսի քարտերի ժամկետներն անցել է, և վերջիններն արդեն 6 շաբաթ սպասում են նոր քարտերի:
Այս ենթաբաժնի վերջին նորությունները
«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |