ERMENI HABER AJANSI

Թուրքական Medya Günlüğü լրատվամիջոցի գլխավոր խմբագիր Ջենք Բաշլամըշը Twitter-ում սոցհարցում է  անցկացրել, որով ցանկացել է պարզել՝ ռուսական զենիթահթրիռային S-400 ՀՕՊ համակարգերը, ի վերջո, կմատակարարվե՞ն  Թուրքիային, թե՞ ոչ։

Առաջարկվել է պատասխանի 4 տարբերակ.
 

1. միանշանակ մատակարարվելու են,

2. վերջին պահին Թուրքիան հրաժարվելու է գործարքից,

3. այդ համակարգերը կմատակարարվեն Թուրքիային, բայց վերջինս դրանք չի օգտագործի,

4. այլ տարբերակ:

Հարցմանը մասնակցել է 1.900 օգտատեր: Նրանից 798-ն ընտրել է 2-րդ տարբերակը։ 684 հոգի ընտրել է 3-րդ տարբերակը, իսկ 332 հոգի էլ կողմնակից է եղել առաջին տարբերակին:

Հարցման մասնակիցներից մեկն էլ ուշագրավ պատասխան է տվել՝ ասելով, որ եթե ռուսական բանակը սիրիական ճգնաժամի շրջանակներում չմտնի Իդլիբ նահանգ, ապա ռուս-թուրքական բանակցությունները վերոնոշյալ համակարգերի մատակարարման շուրջ կշարունակվեն, բայց եթե Ռուսաստանը մտնի Իդլիբ, ապա Թուրքիան կհրաժարվի S-400-ներից։