Թուրք բարձրաստիճան պաշտոնյան քրդերեն գրառում է արել Twitter-ում

Քաղաքական07:52, 12 Մարտ 2019

Թուրք բարձրաստիճան պաշտոնյան քրդերեն գրառում է արել Twitter-ում

Թուրքիայի նախագահական պալատի տեղեկատվության վարչության ղեկավար Ֆահրեթթին Ալթունը Twitter-ում տեսանյութ է տեղադրել՝ դրան կցելով քրդերեն գրություն:

«Արդարություն և զարգացում կուսակցության» (AKP-ԱԶԿ) նախընտրական հանրահավաքին մասնակցելու համար նախագահ Էրդողանի հետ ուղղաթիռով Թուրքիայի Հաքքարի քրդաբնակ նահանգ մեկնած Ալթունը վերևից նկարահանել է նահանգի լեռները: Կից քրդերեն գրության մեջ Ալթունը նախ նշել է, «Քուրդիստանի բանվորական կուսակցությունը» (PKK-ՔԲԿ) «ահաբեկչական կազմակերպություն է, մահափորձ է կատարում քրդերի ու թուրքերի եղբայրության վրա»:

Ապա Թուրքիայի նախագահականի բարձրաստիճան պաշտոնյան ասել է, որ իրենք հենց սարերում արմատախիլ են անում ՔԲԿ-ն ու քրդերի հետ խաղաղ, ապահով և միասնական ապրելու են նույն երկնքի ու նույն դրոշի տակ:

ՏԻՄ ընտրությունները Թուրքիայում անցկացվելու են մարտի 31-ին:

Նշենք, որ այժմ Թուրքիայի տարածքում գործնականում հնարավոր չէ քրդերենով կրթություն ստանալ՝ քրդական դպրոցների արգելված լինելու պատճառով: Տարբեր տվյալներով՝ 18-22 միլիոնի հասնող քուրդ ազգային փոքրամասնության երեխաները թուրքերենով են կրթություն ստանում, իսկ գրավոր քրդերենը սովորում են կամ տներում կամ որոշ դպրոցներում առկա քրդերենի սակավաթիվ դասաժամերի ընթացքում:

Աղբյուր` Hurriyet

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։