Թուրքիայի ՆԳ նախարար. «Քրդամետ HDP-ն PKK-ի քաղաքական թևն է»

Քաղաքական07:40, 12 Մարտ 2019

Թուրքիայի ՆԳ նախարար. «Քրդամետ HDP-ն PKK-ի քաղաքական թևն է»

Թուրքիայի ներքին գործերի նախարար Սուլեյման Սոյլուն Այդընում նախընտրական քարոզարշավի ընթացքում ընդդիմադիր կուսակցություններին համեմատել է ռուսական փայտե խաղալիքի (մատրյոշկայի) հետ:

Սուլեյման Սոյլուն գլխավոր ընդդիմադիր «Ժողովրդահանրապետական կուսակցությանը» (CHP-ԺՀԿ) և ազգայնական «Լավ» (IYI) կուսակցություններից ձևավորված «Ազգ» (Millet) դաշինքն անվանել է «չար դաշինք»:

Սոյլուն, դաշինքը համեմատելով մատրյոշկայի հետ,նշել է, որ այդ դաշինքի մեջ են մտնում տարբեր քաղաքական ուժեր և Թուրքիայում ահաբեկչական համարվող «Քուրդիստանի բանվորական կուսակցությունը» (PKK-ՔԲԿ) և «Ֆեթթուլահական կազմակերպությունը» (FETÖ):

«Մատրյոշկայի պես մեկը մյուսի մեջ է մտնում: Դրանց մեջ է «Ժողովուրդների դեմոկրատական կուսակցությունը», որի մեջ էլ PKK-ն և FETÖ-ն են: Կան նաև «Մայիսի 27»-ի (խմբ.`1960թ. ռազմական հեղաշրջում) և «փետրվարի 28»-ի (խմբ.` 1997թ. հետմոդեռնիստական ռազմական հեղաշրջում) իրագործողները»,- ասել է Սոյլուն:

Նրա խոսքով` իշխող կուսակցությունը ոչ թե պայքարում է դաշինքի, այլ այդ կազամակերպությունների դեմ:

Ինչ վերաբերում է քրդամետ HDP-ին, Սոյլուն նշել է, որ այն իրենց ծանոթ քաղաքական կուսակցություններից չէ:

«HDP-ն PKK-ի քաղաքական թևն է»,- պնդել է նախարարը:

Աղբյուր` Haberturk

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։