Իրավական07:48, 13 Մարտ 2019
Եվրադատարանը «Özgür Gündem» թերթի գործով մեղավոր է ճանաչել Թուրքիային
Մարդու իրավունքների եվրոպական դատարանը (ՄԻԵԴ) Թուրքիայում փակված «Ülkede Özgür Gündem» թերթի տիրոջ բողոքի վերաբերյալ վճիռ է կայացրել։ ՄԻԵԴ-ի վճռի համաձայն՝ Թուրքիան խախտել է Մարդու իրավունքների համընդհանուր հռչակագրի՝ խոսքի և մտքի ազատության մասին 10-րդ հոդվածը։ Ուստի Եվրոպական դատարանը Թուրքիային պարտավորեցրել է 3․500 եվրո փոխհատուցում վճարել թերթի սեփականատիրոջը՝ Ալի Գյուրբյուզին։
ՄԻԵԴ-ի պատճառաբանված որոշման մեջ, որպես մարդու իրավունքների խախտման ապացույց, մատնանշվել է այն հանգամանքը, որ թուրքական դատարաններում թերթը փակելու պահանջով դատական գործընթացներ են հարուցվում՝ առանց անգամ ուսումնասիրելու այն հրապարակումների բովանդակությունը, որոնց վրա հիմնվում է մեղադրանքը։ Նշվել է, որ թերթի փակման որոշումը հիմնավորվել է դրա հոդվածներում առկա «բռնության գովերգմամբ և ատելության խոսքով», մինդեռ որպես ապացույց ներկայացված հոդվածները հեռու են եղել նման բովանդակությունից։ Դատարանի նման մոտեցումը ՄԻԵԴ-ը որակել է որպես մարդու իրավունքների խախտում։
ՄԻԵԴ-ի տվյալների համաձայն՝ «Ülkede Özgür Gündem» թերթի դեմ 2004-2007թթ. Թուրքիայում 7 դատական գործ է հարուցվել։ 2011 թվականին բողոքաբեր կողմի դեմ հարուցված բոլոր դատական գործերով արդարացման որոշում է կայացվել։
Այս ենթաբաժնի վերջին նորությունները
մայիսի 12-ին Ստամբուլում Թուրքիայի նախագահական կորտեժի ուղղությամբ վիրավորանքներ էին հնչեցվել:
Կասկածյալը ձերբակալվել է Սամսունի մարզային ոստիկանության անվտանգության ստորաբաժանման կողմից իրականացված օպերացիայի ընթացքում:
«Լրագրողներ առաց սահմանների» կազմակերպությունը հրապարակել է 2024-ի զեկույցը, որտեղ անդրադառնում է լրագրության վիճակին Թուրքիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«TV100»-ի եթերում Թուրքիայի տրանսպորտի և ենթակառուցվածքի նախարարն անդրադարձել է այսպես կոչված «Զանգեզուրի միջանցքին»։
Կասկածյալը ձերբակալվել է Սամսունի մարզային ոստիկանության անվտանգության ստորաբաժանման կողմից իրականացված օպերացիայի ընթացքում:
Ըստ Թուրքիայի ՊՆ մամուլի և հասարակայնության հետ կապերի խորհրդականի՝ Անկարան աջակցում է սիրիական միասնական բանակի ստեղծմանը:
Թուրքիայի արտգործնախարարի և Աբդուլլահ բին Զայեդ ալ Նահյանի Օրակարգում եղել է Սիրիայում տիրող իրավիճակը:
Ըստ Թուրքիայի էներգետիկայի նախարարի՝ Թուրքիան Սիրիային կմատակարարի էլեկտրաէներգիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |