Դավութօղլուի և Գյուլի անվան հետ կապվող կուսակցության կայքը դադարեցրել է գործունեությունը

Քաղաքական11:35, 13 Մարտ 2019

Դավութօղլուի և Գյուլի անվան հետ կապվող կուսակցության կայքը դադարեցրել է գործունեությունը

Թուրքիայում շրջանառվում են նախագահ Ռեջեփ Թայիփ Էրդողանի գլխավորած իշխող «Արդարություն և զարգացում կուսակցության» (AKP-ԱԶԿ) ներկա ու նախկին անդամների մասնակցությամբ ստեղծվելիք նոր կուսակցության մասին խոսակցությունները:

Ինչպես հայտնի է, այդ խոսակցություններն ավելի հաճախակիացան այն բանից հետո, երբ yenibirparti.org պայմանական անունով կայքի ստեղծվեց։ Թուրքական լրատվամիջոցները նշյալ կայքը կապում էին նախկին արտգործնախարար Ահմեթ Դավութօղլուի և նախկին նախագահ Աբդուլլահ Գյուլի և այլ բարձրաստիճան պաշտոնյաների կողմից ստեղծվելիք կուսակցության հետ:

Եվ ահա հայտնի է դարձել, որ այդ կայքը ժամանակավորապես դադարեցրել է իր գործունեությունը։ Կայքի Twitter-էջից հայտարարություն է տարածվել.

«Հարգելի քաղաքացիներ, հանգամանքների բերումով մեր կայքը ժամանակավորապես դադարեցնում է գործունեությունը»։

Հետաքրքրական է, որ Դավութօղլուն և Գյուլը ստեղծվելիք կուսակցության Twitter-ի էջը արգելափակել էին։

Հիշեցնենք, որ, ավելի վաղ թեմային անդրադարձել էր նախագահ Ռեջեփ Թայիփ Էրդողանը՝ ակնարկելով, որ մի շարք ԱԶԿ-ականներ ցանկանում են անդամագրվել նոր ստեղծվելիք կուսակցությանը:

«Երևում է ԱԶԿ-ի ընդհանուր տանիքը չհավանող և իրենց համար այլ տանիք փնտրողներ կան: Մարդիկ, որոնց հետ միասին ճանապարհ ենք անցել, ցանկանում են մեր գնացքից իջնել, այլ գնացք նստել»,- ասել էր Էրդողանը վերջին հանրահավաքներից մեկում ունեցած ելույթի ժամանակ:

Ըստ շրջանառվող տեղեկությունների՝ Դավութօղլուի կողմից ստեղծվելիք կուսակցությունը մայիսին հռչակագիր կընդունի, իսկ սեպտեմբերին արդեն պաշտոնապես կհիմնադրվի:

Աղբյուր` Cumhurriyet

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։