Քաղաքական08:08, 15 Մարտ 2019
Էրդողան. «S-400-ների հարցում հետքայլ անելու մասին խոսք չկա»
Թուրքիայի կողմից ռուսաական «S-400» ՀՕՊ համակարգերի գնման պատճառով վերջին շրջանում լարվող թուրք-ամերիկյան հարաբերությունների ֆոնին նախագահ Ռեջեփ Թայիփ Էրդողանը կրկին անդրադարձել է այդ թեմային:
«S-400-ների հարցում հետքայլ անելու մասին խոսք չկա»,- հայտարարել է Թուրքիայի նախագահը՝ ավելացնելով, որ ավելի վաղ իրենք ԱՄՆ-ին հայտնել էին «Patriot» ՀՕՊ համակարգեր գնելու ցանկության մասին, բայց կոնգրեսն արգելել է այդ համակարգերի վաճառքը Թուրքիային:
Էրդողանը շեշտել է, որ այս հարցում Ռուսաստանի դիրքորոշումն ավելի դրական է Թուրքիայի նկատմամբ:
«Մենք ասել ենք, որ եթե համատեղ արտադրությունն ու վարկավորումը հնարավոր լինի, ձեզանից էլ կարող ենք «Patriot» գնել: Մեր պաշտպանության նախարարները շարունակում են համատեղ քննարկումները: Հուլիս ամիսը շատ կարևոր է «S-400» համակարգերի մատակարարման հարցում»,- ասել է Էրդողանը:
Ավելացնենք, որ ՆԱՏՕ-ն ու ԱՄՆ-ը բազմիցս դեմ են արտահայտվել Թուրքիայի կողմից ռուսական ՀՕՊ համակարգերի գնմանը՝ կոչ անելով հրաժարվել այդ համակարգերից, քանի որ դրանք չեն կարող ինտեգրվել ՆԱՏՕ-ի համակարգերին:
ԱՄՆ-ն վերջին շրջանում բազմիցս հայտարարել է, որ ռուսական համակարգերի գնումից չհրաժարվելու դեպքում Թուրքիան կարող է զրկվել «F-35» կործանիչների մատակարարումից: Թուրքական կողմը վերջին շրջանում բազմաթիվ պաշտոնյաների շուրթերով հայտարարել է, որ «S-400»-ների գործարքն արդեն կայացած փաստ է, և Թուրքիան չի կարող հրաժարվել դրանից:
Այս ենթաբաժնի վերջին նորությունները
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Հանդիպման օրակարգի վերաբերյալ մանրամասներ չեն հաղորդվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |