Միջազգային08:51, 20 Մարտ 2019
Նոր Զելանդիայում ահաբեկչություն կատարած անձը մի քանի անգամ եղել է Թուրքիայում
Նոր Զելանդիայում մզկիթների վրա հարձակման մեջ մեղադրվող 28-ամյա ավստրալացի Բրենթոն Թարանթը նախկինում Թուրքիա կատարած այցի շրջանակներում եղել է մի շարք նահանգներում։
Ըստ Hürriyet թերթի թղթակից Չեթին Այդընի՝ Բրենթոնը 2016թ. Թուրքիայում եղած ժամանակ 3 օր մնացել է Ստամբուլում գտնվող Այա Սոֆա (Սուրբ Սոֆիա) տաճարի հարևանությամբ գտնվող հյուրանոցներից մեկում։ Նույն տարում ահաբեկիչը ևս մեկ անգամ է մեկնել Թուրքիա, որտեղ մի քանի օրով կանգ է առել Ստամբուլի Ֆաթիհ շրջանի Աքսարայ շրջանում գտնվող հյուրանոցում։
Թարանթը Ստամբուլից բացի եղել է Թուրքիայի Աղրը, Սիվաս, Թոքաթ, Անկարա, Էդիրնե, Իզմիր և Մերսին նահանգներում։ Նշվում է, որ Թարենթը Թուրքիայում այցելել է մի շարք պատմական վայրեր և մշակութային կենտրոններ։
Հիշեցնենք, որ ավելի վաղ հայտնի էր դարձել, որ նորզելանդական Քրայսթչերչ քաղաքի մզկիթներից մեկում սպանդ իրականացրած տղամարդը հարձակումից առաջ հրապարակած մի քանի էջանոց մանիֆեստում իր «թիրախների» թվում նշել էր նաև Թուրքիայի նախագահ Ռեջեփ Թայիփ Էրդողանի անունը:
Նա նաև «Թուրքերին» վերնագրով հատուկ բաժին է առանձնացրել իր հայտարարության մեջ ու սպառնացել «ավերել Կոստանդնուպոլսի բոլոր մզկիթները», եթե թուրքերը փորձեն առաջանալ դեպի Եվրոպա:
«Դուք կարող եք խաղաղ ապրել ձեր հողերում՝ Բոսֆորի արևելյան ափին: Սակայն եթե փորձեք բնակություն հաստատել Բոսֆորի արևմուտքում, եթե գաք Եվրոպա՝ կսպանենք ձեզ: Մենք կգանք Կ. Պոլիս ու կավերենք բոլոր մզկիթները: Այա Սոֆիան կազատագրվի մինարեթներից, և Կ. Պոլիսը կրկին կդառնա քրիստոնեական քաղաք, ինչին արժանի է», - գրել էր նա:
Այս ենթաբաժնի վերջին նորությունները
«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |