Ռուս սենատոր. «ԱՄՆ-ն կարող է կորցնել Թուրքիային զենք մատակարելու մենաշնորհը»

Ռազմական08:20, 26 Մարտ 2019

Ռուս սենատոր. «ԱՄՆ-ն կարող է կորցնել Թուրքիային զենք մատակարելու մենաշնորհը»

Ռուս քաղաքական գործիչ, սենատոր Իգոր Մորոզովը ռուսական լրատվամիջոցներին տված հարցազրույցում անդրադարձել է Թուրքիայի նախագահի` Ռուսաստանի հետ S-400 զենիթահրթիռային ՀՕՊ համակարգերի շուրջ պայմանագիրը չխզելու մասին հայտարարությանը:

Սենատոր Մորոզովը ասել է, որ S-400 ՀՕՊ համակարգերը մատակարարման փուլում են և շուտով դրանք կլինեն Թուրքիայի տարածքում և հավելել, որ ԱՄՆ-ն չի կարողանալու միջամտել այդ գործընթացին:

Մորոզովը, նշելով, որ Թուրքիան ԱՄՆ-ի հետ ռազմականտեխնիկական համագործակցություն է ծավալում, ասել է.

«Վաշինգտոնը փորձում է շահարկել Անկարայի անդամակցությունը ՆԱՏՕ-ին: Ակնհայտ է, թե ինչու է ԱՄՆ-ն դա անում: Էրդողանի վերջնական որոշման վերաբերյալ Սպիտակ տնից բազմաթիվ սպառնալից, շահադիտական և մանիպուլյացնող հայտարարություններ են հնչել»:

Սենատորի խոսքով` Էրդողանը ցանկանում է տարբեր ուղղություններով բաշխել քաղաքական և ռազմատեխնիկական ռիսկերը:

«ԱՄՆ-ն կարող է կորցնել Թուրքիային զենք մատակարելու մենաշնորհը»,-ընդգծել է Մորոզովը:

Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, որ S-400-ների հարցում հետքայլ անելու մասին խոսք չկա, ավելացնելով, որ ավելի վաղ իրենք ԱՄՆ-ին հայտնել էին «Patriot» ՀՕՊ համակարգեր գնելու ցանկության մասին, բայց կոնգրեսն արգելել էր այդ համակարգերի վաճառքը Թուրքիային:

Աղբյուր` Sputniknews

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: