Թուրքական ռազմական ուղղաթիռը Բրազիլիայում ցուցադրական թռիչք է արել

Տարածաշրջան12:21, 27 Մարտ 2019

Թուրքական ռազմական ուղղաթիռը Բրազիլիայում ցուցադրական թռիչք է արել

Թուրքիան Ռիո դե Ժանեյրոյում կայանալիք LAAD Expo-2019 ցուցահանդեսի ընթացքում ցուցադրելու է սեփական արտադրության T129 Atak ռազմական ուղղաթիռը։

Ցուցահանդեսը մեկնարկելու է ապրիլի 2-ին և ավարտվելու է 5-ին։ Մինչ ցուցահանդեսը թուրքական արտադրության ռազմական ուղղաթիռն արդեն հասցրել է ցուցադրական թռիչքներ իրականացնել։ Թռիչքին հետևել է Թուրքիայի ավիացիայի և տիեզերագնացության արդյունաբերական ընկերության («TUSAŞ») պաշտոնյաներից Թամեր Օզմենը։

T129 Atak հարվածային ուղղաթիռն արտադրվել է իտալական Agusta A129 Mangusta ուղղաթիռի հիմքի վրա՝ թուրքական և իտալական ընկերությունների մասնակցությամբ։

Ուղղաթիռի թռիչքի առավելագույն արագությունը 269 կմ/ժ է, առավելագույն բեռնատարողությունը՝ 1200կգ, թռիչքի առավելագույն բարձրությունը՝ 6կմ: Ուղղաթիռի ողջ էլեկտրատեխնիկան սարքավորումները թուրքական արտադրության են:

Աղբյուր` Anadolu