Ռուսերենը Թուրքիայում ամենից շատ տարածված երրորդ լեզուն է՝ թուրքերենից և անգլերենից հետո

Հասարակական11:20, 28 Մարտ 2019

Ռուսերենը Թուրքիայում ամենից շատ տարածված երրորդ լեզուն է՝ թուրքերենից և անգլերենից հետո

Թուրքիայում առնվազն 100․000 ռուս է բնակվում։ Այս մասին հայտարարել է Թուրքիայում Ռուսաստանի Դաշնության դեսպանատան գլխավոր քարտուղար և մշակույթի հարցերով կցորդ Ալեքսանդր Սոտնիչենկոն։

Թուրքիա-Ռուսաստան հարաբերություններին նվիրված կոնֆերանսում ելույթի ժամանակ Սոտնիչենկոն նշել է, որ երկու երկրների միջև առևտրային կապերից առավել իր կարծիքով կարևոր են երկկողմ քաղաքական և մշակութային կապերը։

Նա նաև կարևորել է Թուրքիայի և Ռուսաստանի միջև այնպիսի ծրագրերի իրականացումը, ինչպիսիք են «Թուրքական հոսք» գազամուղի և «Աքքույու» ատոմակայանի կառուցման, ինչպես նաև՝ «S-400» ՀՕՊ համակարգերի վաճառքի նախագծերը։

Սոտնիչենկոն ընդգծել է, որ ի հեճուկս արտաքին ճնշումների Թուրքիայի կողմից «S-400» ՀՕՊ համակարգերի գնումը չափազանց կարևոր է, քանի որ դա Թուրքիայի անկախության վկայությունը կարող է լինել։ Նա հավելել է, որ երկու երկրների միջև նախկինում ծագած տարաձայնությունները արդեն հաղթահարվել են և կողմերի միջև ակտիվ համագործակցություն է հաստատվել, քանի որ և Ռուսաստանը, և Թուրքիան ձգտում են խաղաղություն ապահովել տարածաշրջանում։
Սոտնիչենկոն հիշեցրել է նաև, որ 2019թ․ հայտարարված է ռուս-թուրքական մշակութային կապերի տարի և առաջիկայում այդ առնչությամբ մի շարք երկկողմ մշակութային միջոցառումներ են նախատեսված։ Ըստ նրա՝ 2018թ․ Թուրքիա է այցելել 5 միլիոնից ավելիզբոսաշրջիկ, այս տարի ակնկալվում է, որ ռուս զբոսաշրջիկների թիվն ավելի մեծ կլինի։ Ռուսաստանի ներկայացուցչի պնդմամբ՝ ռուսերենը Թուրքիայում ամենից շատ տարածված երրորդ լեզուն է՝ թուրքերենից և անգլերենից հետո։

Աղբյուր` aa.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։