Թուրքիայում մեկնարկել են տեղական ինքնակառավարման մարմինների ընտրությունները

Հասարակական07:10, 31 Մարտ 2019

Թուրքիայում մեկնարկել են տեղական ինքնակառավարման մարմինների ընտրությունները

Մարտի 31-ին՝ վաղ առավոտից Թուրքիայում մեկնարկել են տեղական ինքնակառավարման մարմինների (ՏԻՄ) ընտրությունները։ Գերագույն ընտրական խորհրդի տվյալներով` քվեարկել կարող է Թուրիայի 57 մլն 58․636 քաղաքացի 194․390 ընտրատեղամասում։

ՏԻՄ ընտրություններին մասնակցում են հետևյալ քաղաքական ուժերը.

1. Իշխող «Արդարություն և զարգացում» կուսակցություն (AKP)

2. «Գորշ գայլերի» քաղաքական թև համարվող «Ազգայնական շարժում» կուսակցություն (MHP)

3. Ընդդիմադիր քրդամետ «Ժողովուրդների դեմոկրատական» կուսակցություն (HDP)

4. Ընդդիմադիր քեմալական «Ժողովրդահանրապետական» կուսակցություն (CHP)

5. Ընդդիմադիր «Երջանկություն» կուսակցություն (SP)

6. Ազգայնական «Մեծ միություն» կուսակցություն

7. Ազգայնական «Լավ» (İYİ) կուսակցություն

8. Ազգայնական «Հայրենիք» կուսակցություն

9. Դեմոկրատական « Ձախ կուսակցություն»

10. Արմատական «Թուրքիա կուսակցություն»

11. Սոցիալիստական «Թուրքիայի կոմունիստական կուսակցություն»

12. «Ժողովրդավարություն» կուսակցություն

Ինչպես հայտնի է, որոշ կուսակցություններ ընտրություններին մասնակցում են միմյանց հետ դաշինք կազմած։ Մասնավորապես իշխող ԱԶԿ-ն դաշինք է կազմել ազգայնական ԱՇԿ-ի հետ (Cumhur İttifakı-Ժողովուրդ դաշինք), իսկ քեմալական ԺՀԿ-ն՝ ազգայնական ԼԿ-ի հետ (Millet İttifakı- «Ազգ» դաշինք)։

Ըստ փորձագետների՝ ՏԻՄ ընտրությունների շրջանակներում հիմնական պայքարը իշխող AKP-ի և ընդդիմադիր CHP-ի միջև է ընթանալու Թուրքիայի այնպիսի խոշոր քաղաքներում, ինչպիսիք են Ստամբուլը, Անկարան և Իզմիրը։

Քվեարկությունն Թուրքիայի արևելյան շրջաններում ավարտվելու է տեղական ժամանակով ժամը 16։00-ին, իսկ արևմտյան շրջաններում՝ 17։00-ին։

Աղբյուր` Haberler

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։