Կարսում քրդամետները հաղթեցին ազգայնականներին

Քաղաքական11:30, 01 Ապրիլ 2019

Կարսում քրդամետները հաղթեցին ազգայնականներին

Թուրքիայում հրապարակվել են մարտի 31-ին կայացած ՏԻՄ ընտրությունների արդյունքները:

Կարսում, որտեղ 2014թ. ընտրություններին հաղթել էր աջակողմյան «Ազգայնական շարժում կուսակցությունը» (MHP-ԱՇԿ), այս անգամ չի կարողացել պահպանել իր դիրքերը: Կարսն անցել է ընդդիմադիր քրդամետ «Ժողովուրդների դեմոկրատական կուսակցությանը» (HDP-ԺԴԿ):

Քրդամետ HDP-ի թեկնածուները` Այհան Բիլգենը և Շևին Ալաջան, ձայների մեծամասնությամբ (29.75%) հաղթել են ընտրություններում, նրանց հետևել է «Ջումհուր» (Ժողովուրդ-Cumhur) դաշինքի կողմից առաջադրված MHP-ի թեկնածուն` 26.83% ձայնով:

Կարսի շրջանում եղել է 167 քվեատուփ: Ընտրելու իրավունք ունեցողների թիվը 52.856 է, ընդհանուր քվեների թիվը`42.146, որից անվավեր է ճանաչվել 1.200-ը:

Ընտրապայքարում հաղթած թեկնածու Այհան Բիլգենը, լրագրողների հետ զրույցում ասել է. «Մենք` քրդերի, ադրբեջանցիների, թերեքեմենների, թուրքերի, թուրքմենների, ուսուցչի ու աշակերտի հետ միասին հաղթեցինք: Հաղթեց Կարսը: Հաղթեց խաղաղությունն ու ժողովրդավարությունը: Կարսը մեզ ամոթով չթողեց»:

Հիշեցնենք, որ Թուրքիայում 2014թ. տեղի ունեցած ՏԻՄ ընտրություններին Կարսի քաղաքապետի պաշտոնում ընտրվել է MHP-ի թեկնածուն` ստանալով քվեների 28.4 տոկոսը:

Աղբյուր` Cumhuriyet

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։