Թուրքիայի ու ԱՄՆ-ի միջև առևտրային պատերազմը դեռ նոր է սկսվում

Քաղաքական14:05, 03 Ապրիլ 2019

Թուրքիայի ու ԱՄՆ-ի միջև առևտրային պատերազմը դեռ նոր է սկսվում

Ռուսաստանի գիտությունների ակադեմիայի Պրիմակովի անվան Համաշխարհային տնտեսության և միջազգային հարաբերությունների ինստիտուտի գիտաշխատող Վիկտոր Նադեին Ռաևսկին խոսել է թուրք-ամերիկյան լարվածության տնտեսական հետևանքների մասին:

Ըստ Ռաևսկիի՝ ամերիկյան դոլարի նկատմամբ թուրքական լիրայի շարունակական արժեզրկման պայմաններում թուրքական իշխանությունների գործողությունները ճիշտ չեն:

«Աջակցությունը թուրքական լիրային դարձել է գնաճի պատճառ, և հիմա թուրքական տնտեսության համար դժվար է դուրս գալ ստեղծված իրավիճակից»:

Համեմատություն է արել, որ օրինակ Ռուսաստանի կենտրոնական բանկը, զգուշանալով գնաճից, ցածր է պահում ռուբլու գինը դոլարի նկատմամբ:

Ռուս մասնագետը, հիշեցնելով, որ Թուրքիայի նախագահ Ռեջեփ Թայիփ Էրդողանը խոստացել է բարեփոխումներ իրականացնել տնտեսության մեջ, ասել է. «Կառավարության՝ փոքր ձեռնարկություններին տրվելիք աջակցությունն ու սպեկուլյանտների դեմ սկսելիք պայքարը բավարար չէ, քանի որ արտաքին կապիտալի հոսքը դեպի Թուրքիա քիչ է»:

ԱՄՆ-ի կողմից Թուրքիայի տնտեսության դեմ ուղղված գործողությունների մասին խոսելիս Ռաևսկին ասել է. «Թուրքիայից ներկրումը ԱՄՆ-ի տնտեսության մեջ փոքր տոկոս է կազմում, սակայն Թուրքիայի համար ԱՄՆ-ի հետ առևտուրը մեծ կարևորություն ունի: Այդ պատճառով Թուրքիայի տնտեսության դեմ ԱՄՆ-ի գործողություններն ավելի վտանգավոր են քան՝ հակառակը:

Ռազմական պայմանագրերը նույնպես կարող են ազդել տնտեսության վրա: Օրինակ՝ շուրջ 20 թուրքական առաջատար ընկերություններ F-35 կործանիչների համար դետալներ են արտադրում: ԱՄՆ-ն կարող է դադարեցնել ռազմական հոսքագծերի պահեստամասերի մատակարարումը: Հայտնի է, որ այդ հոսքագծերն աշխատում են ամերիկյան պահեստամասերով: Պետք է ընդգծել, որ Թուրքիայի ու ԱՄՆ-ի միջև առևտրային պատերազմը դեռ նոր է սկսվում»,- եզրափակել է մասնագետը:

Աղբյուր` Sputnik

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։