Թուրքիային վրդովեցրել է ՏԻՄ ընտրությունների մասին ԱՄՆ-ի արձագանքը

Քաղաքական07:35, 03 Ապրիլ 2019

Թուրքիային վրդովեցրել է ՏԻՄ ընտրությունների մասին ԱՄՆ-ի արձագանքը

ԱՄՆ-ի պետքարտուղարությունը մարտի 31-ին Թուրքիայում տեղի ունեցած տեղական ինքնակառավարման մարմինների վերաբերյալ հայտարարություն է արել, որը խիստ դժգոհություն է առաջացրել թուրքական իշխանական շրջանակներում։

Ինչպես հատնի է, թեև իշխող «Արդարություն և կուսակցությունը» (ԱԶԿ-AKP) այդ ընտրություններում հաղթել է, այնուամենայնիվ մայրաքաղաքում և խոշորագույն քաղաքներում պարտվել է ընդդիմադիր քեմալական «Ժողովրդահանրապետական կուսակցությանը» (ԺԴԿ-CHP)։

Պետքարտուղարության խոսնակ Ռոբերտ Պալադինոն ընտրությունների կապակցությամբ ասել է.

«Ազատ և արդար ընտրությունները ժողովրդավարության կարևոր բաղադրիչն են, ինչպես նաև դրանց օրինական արդյունքների ընդունումը: Թուրքիայից ակնկալում ենք ոչ պակաս բան սրանից»։

Ամերիկացի պաշտոնյայի հայտարարությունը դատապարտել է Թուրքիայի արտգործնախարարությունը։

«Ոչ մի երկիր իրավասու չէ միջամտել մեկ այլ երկրում կայացած ընտրություններին և դրանով իրեն ներկայացնել որպես լեգիտիմության աղբյուր։ Հակադեմոկրատական մոտեցումները և սովորույթները ոչ մի կերպ չեն կարող ստվերել Թուրքիայի ժողովրդավարության հասունությունը»,-ասել է Թուրքիայի ԱԳՆ-ի խոսնակ Համի Աքսոյը։

Աղբյուր` Sozcu

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։