Ստամբուլում քվեների վերահաշվարկը շարունակվում է. ընդդիմադիր թեկնածուի ձայները նվազում են

Քաղաքական13:37, 03 Ապրիլ 2019

Ստամբուլում քվեների վերահաշվարկը շարունակվում է. ընդդիմադիր թեկնածուի ձայները նվազում են

Թուրքիայում մարտի 31-ին կայացած ՏԻՄ ընտրությունների ընթացքում ամենամեծ անակնկալը գրանցվեց Ստամբուլում, որտեղ հաղթեց ընդդիմադիր «Ժողովրդահանրապետական կուսակցության» (ԺՀԿ-CHP) թեկնածու Էքրեմ Իմամօղլուն։

Ընտրության արդյուքների հրապարակումից հետո, սակայն, Ստամբուլի որոշ շրջաններում որոշում կայացվեց քվեների վերահաշվարկ կատարել: Հրապարակված նախնական արդյունքների համաձայն՝ քեմալականների առաջադրած ընդդիմադիր թեկնածուն 27.889 քվեով առաջ էր անցել իշխող «Արդարություն և զարգացում կուսակցության» (ԱԶԿ-AKP) թեկնածու, խորհրդարանի նախկին նախագահ Բինալի Յըլդըրըմից։

CHP-ի պատգամավոր Ալի Շեքերը Twitter-ի իր պաշտոնական էջում գրառում է կատարել այն մասին, որ ներկա պահին Կենտրոնական ընտրական հանձնաժողովի տվյալների համաձայն՝ վերահաշվարկի արդյունքում իրենց կուսակցի ձայները նվազել են, սակայն տարբերությունը ակնհայտ է և ընդդիմադիր Իմամօղլուն 20.689 քվեով դարձյալ առջևում է։

Ալի Շեքերը քննադատել է իշխող կուսակցության այն ներկայացուցիչներին, որոնք ապատեղեկատվություն են տարածում, թե իբր ձայների տարբերությունն արդեն 20.000-ից պակաս է։

Նման հայտարարությամբ էր հանդես եկել AKP-ի փոխնախագահ Ալի Իհսան Յավուզը՝ նշելով, թե քվեների հաշվարկի ժամանակ տեղ գտած սխալները բավականին շատ են: Ըստ նրա՝ երկու թեկնածուների քվեների տարբերությունն աննշան է և այդ տարբերությունը վերահաշվարկի արդյուքում գնալով փոքրանում է։

Աղբյուր` Haberler.com

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։