Վանա կատուների թիվը տարեցտարի աճում է

Հասարակական12:11, 03 Ապրիլ 2019

Վանա կատուների թիվը տարեցտարի աճում է

Թուրքիայում տեղացիների և զբոսաշրջիկների շրջանում մեծանում է հետաքրքրությունը վանա կատուների նկատմամբ:

Տարեցտարի աճում է վանա կատուների թիվը և այդ կատուները որակապես փոխվում են: Այս մասին հայտնել է «Վանա կատուների ուսումնասիրությունների կենտրոնի» տնօրեն Աբդուլլահ Քայան: Կենտրոնը հիմնվել է 1987թ. և զբաղվում է հենց այս կատուների բուծմամբ:

Կատվի այս տեսակը տարեկան 3 անգամ ձագ է տալիս:

Քայայի փոխանցմամբ` 2019թ. միայն մարտին ծնված ձագերի թիվը հավասար է 3-4 տարի առաջ 1 տարում ծնված ձագերի թվին:

Ուսումնասիրություների կենտրոնի ղեկավարը նշում է, որ իրենց նպատակն է, որ Թուրքիայում` մասնավորապես Վանում, յուրաքանչյուր տանը լինի մեկ վանա կատու:

Հիշեցնենք, որ վանա կատուներն ընտանի կատուների ցեղատեսակ են, որոնք սերում են Վանա լճի տարածքից: Վանա կատուն բավականին խոշոր է իր չափերով, հայտնի է որպես լավ լողորդ: Վանա կատուն կարողանում է հմտորեն ձուկ որսալ ջրում: Ունի սպիտակաթույր մորթի: Վանա կատվի աչքերը կարող են լինել երկնագույն, սաթագույն կամ այլ գույնի:

Աղբյուր` Turkiyegazetesi

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։