Ստամբուլում քվեների վերահաշվարկը դեռ չի ավարտվել. արդյունքում ընդդիմադիր թեկնածուի ձայները նվազում են

Քաղաքական10:09, 05 Ապրիլ 2019

Ստամբուլում քվեների վերահաշվարկը դեռ չի ավարտվել. արդյունքում ընդդիմադիր թեկնածուի ձայները նվազում են

Թուրքիայում մարտի 31-ին կայացած ՏԻՄ ընտրությունների ընթացքում ամենամեծ անակնկալը գրանցվեց Ստամբուլում, որտեղ հաղթեց գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) թեկնածու Էքրեմ Իմամօղլուն։

Ընտրության արդյուքների հրապարակումից հետո, իշխող կուսակցության բողոքարկմամբ` Ստամբուլի 19 շրջանում որոշում կայացվեց կատարել քվեների վերահաշվարկ:

Ապրիլի 5-ին Էքրեմ Իմամօղլուն, խոսելով թուրքական «FOX TV» հեռուստատեսության ուղիղ եթերում, տվյալներ է հրապարակել իր և իշխող «Արդարություն և զարգացում կուսակցության» (AKP-ԱԶԿ) թեկնածու Բինալի Յըլդըրըմի քվեների տարբերության վերաբերյալ:

Իմամօղլուի փոխանցմամբ` Ստամբուլի 17 շրջանում ավարտվել է քվեների վերահաշվարկը և այժմ նրանց միջև ձայների տարբերությունը 18.742 է:

Իմամօղլուն նշել է, որ հաշվվել է 119. 652 անվավեր ձայն, որից 2184-ը գումարվել է Յըլդըրըմի ընդհանուր քվեներին, իսկ 785-ը ավելացել է իր քվեներին:

«Երբ ավարտվի քվեների ամբողջական վերահաշվարկը մեր միջև ձայների տարբերությունը կկազմի 18.000-20.000»,- կարծիք է հայտնել ընդդիմադիր թեկնածուն:

Աղբյուր` Haberler

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։