Էրդողանը Պուտինի հետ կքննարկի Սիրիայում նոր ռազմական գործողությունների հարցը

Քաղաքական09:48, 08 Ապրիլ 2019

Էրդողանը Պուտինի հետ կքննարկի Սիրիայում նոր ռազմական գործողությունների հարցը

Թուրքիայի նախագահ Ռեջեփ Թայիփ Էրդողանն ապրիլի 8-ին Ռուսաստան կատարելիք այցից առաջ զրուցել է լրագրողների հետ։ Զրույցի ընթացքում նա անդրադարձել է այն հարցերին, որոնք պատրաստվում է քննարկել Ռուսաստանի նախագահ Վլադիմիր Պուտինի հետ։ Էրդողանն ասել է, որ ի թիվս բազմաթիվ հարցերի, Պուտինի հետ քննարկվելու է նաև Սիրիայի հյուսիսային շրջաններում Թուրքիայի բանակի կողմից ռազմական գործողությունններ սկսելու հնարավորությունը։

Ինչպես հայտնի է, թուրքական կողմն արդեն տևական ժամանակ պատրաստվում է Սիրիայի հյուսիսում՝ Եփրատ գետի արևելյան հատվածում, ռազմական գործողություններ սկսել Սիրիայի քուրդ զինյալների դեմ, որոնց համարում է ահաբեկիչներ։

Ծրագրված է, որ Էրդողանը պետք է նաև մասնակցի Մոսկվայում տեղի ունենալիք ռուս-թուրքական բարձր մակարդակի համագործակցության խորհրդի նիստին։

Նկատենք, որ Պուտինը և Էրդողանը 2019 թվականին հանդիպում են արդեն 3-րդ անգամ: Առաջին հանդիպումը եղել էր փետրվարի 14-ին Սոչիում գումարված Իրան-Թուրքիա-Ռուսաստան եռակողմ գագաթնաժողովի ժամանակ:

Աղբյուր` Haberturk

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։