Քաղաքական07:02, 09 Ապրիլ 2019
Պուտինն ու Էրդողանը չեն կարողացել համաձայնության գալ ռուսական գազի գնի շուրջ (տեսանյութ)
Ապրիլի 8-ին Մոսկվայում Թուրքիայի և Ռուսաստանի նախագահների միջև կայացած հանդիպումից հետո կողմերը լայնածավալ մամուլի ասուլիս են տվել։
Ինչպես հայտնի է, Վլադիմիր Պուտինը և Ռեջեփ Թայիփ Էրդողանը հանդիպման շրջանակներում մասնակցել են ռուս-թուրքական բարձր մակարդակի համագործակցության խորհրդի նիստին։
Ըստ Թուրքիայի նախագահի՝ քննարկվել են էներգետիկ, տնտեսական, քաղաքական հարցեր, ինչպես նաև առևտրին և տուրիզմին առնչվող հարցեր։
Թուրքիայի նախագահը կարևորել է Թուրքիայում Ռուսաստանի կողմից կառուցվող «Աքքույու» ատոմակայանի կառուցումը և նշել է, որ այդ հարցում, որևէ խնդիրներ չկան։ Միևնույն ժամանակ նա տեղեկացրել է, որ «Թուրքական հոսք» գազատարի ծովային հատվածի կառուցումն ավարտվել է, իսկ ցամաքային հատվածի կառուցումը նախատեսվում է ավարտին հասցնել մինչև տարեվերջ։
Էրդողանը հիշեցրել է, որ 2018-ին Թուրքիա են այցելել 6 մլն ռուս զբոսաշրջիկ և հույս հայտնել, որ նրանց թիվը ընթացիկ տարում կաճի։
Նա նաև տեղեկացրել է, որ կողմերը շարունակելու են աշխատանքներ իրականացնել, որպեսզի Թուրքիայի քաղաքացիները Ռուսաստան մեկնեն առանց վիզայի։
Նշվում է, որ ռուս-թուրքական բարձր մակարդակի համագործակցության խորհրդի նիստից հետո երկու երկրների միջև 3 պայմանագիր է ստորագրվել։ Պայմանագրերը ստորագրվել են թուրքական և ռուսական ընկերությունների և հիմնադրամների միջև։ Դրանք առնչվում են հիմնականում երկկողմանի ներդրումային հարցերին։
Իր հերթին Պուտինը հայտնել է, որ թեև Թուրքիայի և Ռուսաստանի միջև հարաբերությունները բարձր մակարդակի վրա են, այնուամենայնիվ դեռ որոշակի խնդիրներ կան։ Ըստ նրա՝ կողմերը դեռևս համաձայնության չեն հասնում գազի գնի շուրջ, որը Ռուսաստանը մակարարում է Թուրքիային։
«Ինչ վերաբերում է գազի գնին, ապա այն սահմանվում է շուկայական ճանապարհով։ Շուկայում գինն այդպիսին է, գինը «Գազպրոմի» կողմից չի սահմանվում։ Այստեղ կան հարցեր և խնդիրներ։ Մեր թուրք գործընկերները, կոմերցիոն նկատառումներից ելնելով, առաջ են տանում իրենց բանաձևերը, իսկ Գազպրոմը առաջարկում է այլ բան։ Հարցը միայն գինը չէ, չնայած դա էլ կարևոր չափորոշիչ է, հարցը ռուսական գազի մատակարարման կայունության մեջ է։ Թուրքիան ունի գազամատակարարման բազմաթիվ պայմանագրեր այլ կողմերի հետ, բայց ոչ բոլոր կողմերն են իրականացնում պայմանագրով ստանձնած պարտավորությունները, իսկ Ռուսաստանը կատարում է»։
Երկու նախագահների ամբողջական մամուլի ասուլիսը՝ ստորև (ռուսերեն թարգմանությամբ)
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի ներքին գործերի նախարար Ալի Յերլիքայան սոցցանում գրառում է արել երկրում ներգաղթյալների թվաքանակի վերաբերյալ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |