Էրդողան. «Հնարավոր է S-400-ները նախատեսվածից շուտ մատակարարվեն»

Ռազմական06:32, 10 Ապրիլ 2019

Էրդողան. «Հնարավոր է S-400-ները նախատեսվածից շուտ մատակարարվեն»

Թուրքիայի նախագահ Ռեջեփ Թայիփ Էրդողանը, Ռուսաստան կատարած այցից վերադառնալիս, զրուցել է թուրքական տարբեր լրատվամիջոցների ներկայացուցիչների հետ։

Էրդողանը խոսել է ռուսական «S-400» զենիթահրթիռային ՀՕՊ համակարգերի մասին, որոնք Ռուսաստանը պատրաստվում է այս տարի մատակարարել Թուրքիային։

Ինչպես հայտնի է, որ ԱՄՆ-ն դեմ է, որ Թուրքիան Ռուսաստանից ստանա այդ համակարգերը։ Վաշինգտոնը մի քանի անգամ զգուշացրել է, որ դա Անկարայի համար ծանր հետևանքներ կարող է ունենալ։

«Մենք ուր գնում ենք, մեզ հարցնում են S-400-ների մասին։ Մեր արտգործնախարարին և մնացած նախարարներին ամեն տեղ հարցնում են այդ թեմայի մասին։ Կոչ են անում, որ հրաժարվենք դրանցից։ Մենք էլ պատասխանում ենք, որ S-400-ների հարցը փակված է և ամեն բան գնում է իր հունով»,- նշել է Էրդողանը՝ հավելելով, որ թեև S-400-ների մատակարարումը պետք է տեղի ունենար հուլիսին, բայց հնարավոր է, որ ավելի շուտ լինի:

Էրդողանը, պարզաբանելով S-400-ների գնման դրդապատճառները, ասել է, որ դա առաջին հերթին կապված է այն արտաքին վտանգների հետ, որոնց հետ Թուրքիան այժմ դեմ հանդիման է:

Միևնույն ժամանակ Էրդողանը, նկատի ունենալով ԱՄՆ-ին, նշել է, որ ոչ մի օտար երկիր իրավասու չէ քննարկել մեկ այլ ինքնիշխան երկրի կայացրած որոշումները։

Աղբյուր` Haber 7

Այս ենթաբաժնի վերջին նորությունները

12:06, 27 նոյ

Թուրքիան Bayraktar անօդաչու թռչող սարքեր կմատակարարի Բոսնիա և Հերցեգովինային

Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: