Արժույթի միջազգային հիմնադրամը Թուրքիայի համար տնտեսական անկում է կանխատեսում

Տնտեսական07:23, 10 Ապրիլ 2019

Արժույթի միջազգային հիմնադրամը Թուրքիայի համար տնտեսական անկում է կանխատեսում

Արժույթի միջազգային հիմնադրամը (IMF) Թուրքիայի համար 2019թ․ 2․5 տոկոս տնտեսական անկում է կանխատեսել։

IMF-ի՝ «Համաշխարհային տնտեսության զարգացման հեռանկարները» զեկույցում նաև 2020թ․ Թուրքիայի համար կանխատեսվել է 2․5, իսկ 2024 թ․ համար՝ 3․5 տոկոս տնտեսական աճ։

Զեկույցում նաև հղում է կատարվել Թուրքիայի Նոր տնտեսական ծրագրին և նշվել է, որ երկրի մակրոտնտեսական կայունությունը պահպանելու համար ավելի ծավալուն և վստահելի ծրագրեր ու միջոցառումներ են անհրաժեշտ։

Համաշխարհային տնտեսության համար Արժույթի միջազգային հիմնադրամը նույնպես տնտեսական աճի անկում է կանխատեսել։ Ավելի վաղ 2019թ․ համար արված 3․5 տոկոս տնտեսական աճի կանխատեսումը փոխարինվել է 3․3 տոկոս ցուցանիշով։ Ընդհանուր առմամբ, կազմակերպությունը վերջին 6 ամսում արդեն երրորդ անգամ է նվազեցնում ենթադրյալ տնտեսական աճի ցուցանիշները։

Աղբյուր` tr.euronews.com