Թուրքիայում հիմնվելու է ավիացիոն դետալների արտադրության գործարան, որն իր մեծությամբ 4-րդ կլինի աշխարհում

Տնտեսական10:01, 11 Ապրիլ 2019

Թուրքիայում հիմնվելու է ավիացիոն դետալների արտադրության գործարան, որն իր մեծությամբ 4-րդ կլինի աշխարհում

Թուրքիայի ավիացիայի և տիեզերագնացության արդյունաբերական ընկերությունը (TUSAŞ) հիմնելու է ինքնաթիռների, ուղղաթիռների ու այլ ավիացիոն միջոցների համար նախատեսված կոմպոզիտային դետալների արտադրության գործարան:

Նշվում է, որ գործարանը լինելու է Թուրքիայում ամենամեծը, իսկ աշխարհում՝ մեծությամբ 4-րդը: 181 մլն ԱՄՆ դոլար ներդրումով կառուցվող գործարանը 95.000 քմ. փակ արտադրական տարածք է ունենալու:

Նախատեսվում է, որ նոր հիմնվող գործարանը պիտի բավարարի աշխարհում ավիացիոն միջոցների կոմպոզիտային դետալների պահանջարկի 2 տոկոսը:

Գործարանում բացի արդեն նախանշված դետալների արտադրությունից կատարվելու է նոր դետալների նախագծում և դրանց սերիական արտադրություն:

Նշվում է, որ արտադրական գործընթացի արդյունավետությունն ապահովելու նպատակով օգտագործվելու են հատուկ ռոբոտներ, ինքնավար հոսքագծեր ու արհեստական բանականությամբ օժտված տեխնոլոգիաներ:

Գործարանն արտադրելու է դետալներ ինչպես Թուրքիայի ավիացիայի և տիեզերագնացության արդյունաբերական ընկերության կողմից արտադրվող ավիացիոն միջոցների, այնպես էլ՝ համաշխարհային այնպիսի ավիացիոն ընկերությունների համար ինչպիսիք են «Airbus»-ը, «Boeing»-ը և այլն:

Աղբյուր` Sabah

Այս ենթաբաժնի վերջին նորությունները

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: