Էրդողանը հնարավոր է՝ 10-15 օրվա ընթացքում վերջ դնի ազգայնականների հետ կազմած դաշինքին

Քաղաքական12:27, 12 Ապրիլ 2019

Էրդողանը հնարավոր է՝ 10-15 օրվա ընթացքում վերջ դնի ազգայնականների հետ կազմած դաշինքին

Թուրքիայի «Եվրասիական հետազոտությունների կենտրոնի» ղեկավար Քեմալ Օզքիրազը տեսակետ է հայտնել իշխող «Արդարություն և զարգացում կուսակցությունից»(AKP-ԱԶԿ) և աջակողմյան «Ազգայնական շարժում կուսակցությունից» (MHP-ԱՇԿ) կազմված «Ժողովուրդ» (Ջումհուր-Cumhur) դաշինքի վերաբերյալ:

Օզքիրազը Twitter-ում կատարած գրառման մեջ նշել է, որ իր կարծիքով` Թուրքիայի նախագահը մեծ ճնշման տակ է և 10-15 օրվա ընթացքում վերջ է տալու «Ջումհուր» դաշինքին:

«AKP-ի պատգամավորները և կազմակերպությունները քաղաքներում ունեցած պարտությունները կապում են MHP-ի հետ: Ասում են` MHP-ն ՏԻՄ ընտրություններին չի աջակցել AKP-ի թեկնածուներին և մյուս թեկնածուների համար է աշխատել: Ասում են` MHP-ն մեզնից շարունակաբար գողանում է»,-գրել է կենտրոնի ղեկավարը:

Հիշեցնենք, որ Թուրքիայում մարտի 31-ին կայացել է ՏԻՄ ընտրություններ: Իշխող ուժը և գորշ գայլերի քաղաքական թևը համարվող MHP-ն միասնաբար են հանդես եկել ընտրություններին: Մինչ այդ երկու կուսակցությունների ղեկավարները հայտարարել էին, որ այն համայքներում և քաղաքներում, որտեղ կառաջադրվի մյուս կուսակցության թեկնածուները, ապա փոխադարձաբար կսատարեն նրանց:

Աղբյուր` Demokrathaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։