Էրդողանի թիմն ուսումնասիրում է նոր ընտրությունների հնարավորությունը

Քաղաքական13:58, 15 Ապրիլ 2019

Էրդողանի թիմն ուսումնասիրում է նոր ընտրությունների հնարավորությունը

Թուրքիայի նախկին նախագահ Աբդուլլահ Գյուլի հետ մտերիմ անձնական հարաբերություններով հայտնի լրագրող Ֆեհիմի Քորուն ուշագրավ տեսակետներ է հայտնել Ստամբուլում չհանգուցալուծվող հետընտրական գործընթացի վերաբերյալ:

Քորուն իր վերջին հոդվածում պնդել է, որ Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում կուսակցությունը» (AKP-ԱԶԿ) վերջին օրերի գործողություններով ցույց է տալիս, որ ամեն ինչի պատրաստ է «Էրդողանի քաղաքական արկածների համար բոլոր գեղեցիկ բաների սկիզբը դարձած» Ստամբուլը ձեռքից բաց չթողնելու համար: Ըստ լրագրողի՝ իշխանության տարբերակներից մեկն էլ քաղաքապետի նոր ընտրություններ անցկացնելն է:

«Սակայն մյուս կողմից էլ մտավախություն ունեն, որ նոր ընտրություններ անցկացնելու դեպքում կարող է ավելի մեծ տոկոսային տարբերությամբ պարտություն գրանցվել»,- գրել է Քորուն՝ նշելով, որ հնարավոր նոր ընտրությունների դեպքում գրանցվելիք պատկերի մասին ճշգրիտ պատկերացում ունենալու համար ԱԶԿ-ն իր սոցոլոգիական ընկերություններին պատվիրել է հարցումների կատարել:

«Քվեների վերահաշվարկի համար մի շարք պատճառներ են նշվել, ներկայացված բոլոր հիմքերն էլ կարող են ճիշտ լինել, սակայն ըստ իս ամենակարևոր պատճառն այն է, որ վերահաշվարկի ընձեռած ժամանակամիջոցում ԱԶԿ-ի սոցիոլոգիական կազմակերպությունները փորձում են գտնել այն հարցի պատասխանը, թե ինչ արդյունք կստացվի նոր ընտրություններ անցկացնելու պարագայում»,- նշել է լրագրողը:

Աղբյուր` Haberler

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։