Թուրքական ընդդիմադիր թերթի սեփականատերը՝ ձերբակալման վտանգի մեջ

Իրավական08:11, 22 Ապրիլ 2019

Թուրքական ընդդիմադիր թերթի սեփականատերը՝ ձերբակալման վտանգի մեջ

Թուրքական դատարանը Ինտերպոլից պահանջել է «կարմիր ցուցակի» (միջազգային հետախոուզում) մեջ ներառել թուրքական ընդդիմադիր «Sozcu» թերթի սեփականատեր Բուրաք Աքբային:

Աղբյուրի պնդմամբ՝ մինչ այդ թուրքական դատախազությունն Աքբայի վերաբերյալ ապացույցներ է ներկայացրել դատարանին, որում ներկայացված էր նրա կապը Թուրքիայում ահաբեկչական համարվող գյուլենական համայնքի հետ։

Նույն գործի շրջանակներում դատախազությունը պահանջել է 5-10 տարվա ազատազրկման դատապարտել «Sozcu» թերթի 8 թղթակցի, որոնք ըստ դատախազության՝ նույնպես առնչություն ունեն գյուլենական համայնքի հետ։

Թուրքական դատարանը Բուրաք Աքբայի գործը տարանջատել է քրգործով անցնող մյուս կասկածյալների գործերից, քանի որ «Sozcu»-ի սեփականատերը Թուրքիայի սահմաններից դուրս է գտնվում։ Իսկ մնացածները կալանավորված են։ Նրանց արդեն առաջադրվել է մեղադրանք, իսկ Աքբայի նկատմամբ մեղադրական եզրակացություն առայժմ չկա։

Այդ հանգամանքն էլ առաջացրել է Աքբայի դժգոհության պատճառը, որ առանց մեղադրական եզրակացության, թուրքական դատարանը Ինտերպոլից պահանջում է կարմիր ցուցակի մեջ ներառել Աքբային։ Այդ գործով հաջորդ դատական նիստը կկայանա հունիսի 14-ին։

Աղբյուր` Sozcu

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։