Տարածաշրջան06:46, 07 Մայիս 2019
Թուրքիան դատապարտել է ԱՍԱԼԱ-ի կնքահայր Գուրգեն Յանիկյանի մասունքների ամփոփումը Եռաբլուրում
Թուրքիայի արտաքի գործերի նախարարությունն արձագանքել է «Հայաստանի ազատագրության հայ գաղտնի բանակի»՝ ASALA-ի կնքահայր Գուրգեն Յանիկյանի մասունքների ամփոփումը Եռաբլուր պանթեոնում։
ԱՍԱԼԱ - Հայաստանի ազատագրության հայ գաղտնի բանակ (անգլ.՝ Armenian Secret Army for the Liberation of Armenia (ASALA) հայկական ռազմաքաղաքական գաղտնի կազմակերպություն, որն ակտիվ գործունեություն է ծավալել 1975-ից մինչև 1990-ականներ։
«Մենք խոստորեն դատապարտում ենք 1973թ. հունվարի 23-ին Լոս-Անջելեսում Թուրքիայի գլխավոր հյուպատոս Մոհմեթ Բայդարին և նրա տեղակալ Բահադիր Դեմիրին սպանած հայ ահաբեկիչ Գուրգեն Յանիկյանի մասունքների ամփոփումը Երևանում գտնվող զինվորական պանթեոնում»,- ասված է հայտարարության մեջ: Թուրքիայի ԱԳՆ-ն Յանիկյանի հերոսացումը համարում է անընդունելի և դա որակում որպես հանցագործություն:
Նշենք, որ Գուրգեն Յանիկյանն ականտես է եղել Հայոց ցեղասպանությանը: Տեսել է, թե ինչպես են թուրքերը դաժանաբար սպանում իր ավագ եղբորը: Ամբողջ կյանքում չի մոռանում այդ զարհուրելի տեսարանը: Ծնունդով Էրզրումից է: Պայքարել է Հայոց ցեղասպանության միջազգային ճանաչման և դատապարտման համար:
Յանիկյանն իր հուշերում գրել է, որ ի սկզբանե նպատակ չի ունեցել զենք գործածելու ու արյուն թափելու, բայց հանգամանքներն են ստիպել: Նշել է, որ իրազեկող տարբեր խաղաղ միջոցներ գործի դնելու անարդյունավետությունից հետո է անցել զինված պայքարի:
Եվ ահա պայքարելով թուրքական ժխտողականության դեմ՝ 78 տարեկան հասակում (1973թ.) Կալիֆորնիայում գնդակահարել է Լոս Անջելեսում Թուրքիայի գլխավոր հյուպատոսին և նրա տեղակալին։
Դատապարտվել է ցմահ բանտարկության: 8 տարվա բանտարկությունից հետո բողոքարկվում է դատվճիռն, ու Յանիկյանին ազատ արձակում: Ազատության մեջ ապրում է ընդամենը 2 ամիս:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |