Ստամբուլի ընտրությունների չեղարկումից հետո թուրք արվեստագետներն աջակցել են Իմամօղլուին

Քաղաքական13:06, 07 Մայիս 2019

Ստամբուլի ընտրությունների չեղարկումից հետո թուրք արվեստագետներն աջակցել են Իմամօղլուին

Թուրքիայի կենտրոնական ընտրական հանձնաժողովի (ԿԸՀ) կողմից Ստամբուլի քաղաքապետի ընտրությունը չեղարկելու և նոր ընտրություններ նշանակելու որոշումը մեծ արձագանք է գտել թուրք արվեստագետների շրջանում։

Մի շարք արվեստագետներ իրենց Twitter-ի էջում գրառումներ են արել՝ ի պաշտպանություն մարտի 31-ին տեղական ինքնակառավարման ընտրություննեի շրջանակներում Ստամբուլի քաղաքպետ ընտրված Էքրեմ Իմամօղլուի։

Ուշագրավ է այն, որ արվեստագետներն իրենց գրառումների տակ զետեղել են «ամեն ինչ լավ է լինելու» հեշթեգը, որը կիրառել էր Իմամօղլուն իր էջում, երբ իմացել էր, որ Ստամբուլի քաղաքապետի ընտրությունները չեղարկվել են։

Հայտնի հումորիստ Ջեմ Յըլմազն իր էջում գրել է. «Ընտրությունները չեղարկվեցին։ Շատ ցավալի դրություն է։ Մեր հայրենիքը սրան արժանի չէր։ Այնուամենայնիվ նորից քվեարկության գնալը դժվար չէ։ Խելք չունեն, բայց դա է իրականությունը, դառը իրականությունը»։

Իմամօղլուին աջակցություն հայտնել են նաև Թուրքիայում հայտնի երգիչներ, դերասաններ, այդ թվում՝ երգիչ Գյոքհան Օզողուզը: Նա գրել է. «Ցանկանում ենք իրավունք, օրենք, և արդարություն. Ամեն ինչ լավ է լինելու»։

Իսկ թուրք ռեժիսոր Յըլմազ Էրդողանը, ի պաշտպանություն Իմամօղլուի, գրել է. «Էքրեմ Իմամօղլուի ելույթը հիանալի էր, արժեքավոր, օրինական, վճռական և հուսադրող։ Ամեն ինչ անելու ենք, որ հասնենք արդարության»։

Աղբյուր` Demokrathaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։