Դավութօղլուն և Գյուլը քննադատել են Ստամբուլի քաղաքապետի ընտրությունները չեղարկելու որոշումը

Քաղաքական10:37, 08 Մայիս 2019

Դավութօղլուն և Գյուլը քննադատել են Ստամբուլի քաղաքապետի ընտրությունները չեղարկելու որոշումը

Թուրքիայի նախկին նախագահ Աբդուլլահ Գյուլը և նախկին վարչապետ, արտգործնախարար Ահմեթ Դավութօղլուն քննադատել են Թուրքիայի Բարձրագուն ընտրական խորհրդի (ԲԸԽ) մայիսի 6-ին կայացրած որոշումը, որով չեղարկվել էին Ստամբուլի քաղաքապետի ընտրության արդյունքները։

Թուրքիայի նախկին նախագահ Աբդուլլահ Գյուլը, հիշեցնելով 2007թ. Թուրքիայի նախագահի պաշտոնում իր ընտրությունը չեղարկող ՍԴ-ի որոշման մասին, հետևյալ գրառումն է կատարել Twitter-ի իր էջում.

«Այն զգացողությունները, որ ունեցել էի 2007թ. Սահմանադրական դատարանի ընդունած «367-ի որոշման» ժամանակ, կրկին ապրեցի մեկ այլ գերագույն դատարան համարվող Բարձրագույն ընտրական խորհրդի երեկ ընդունած որոշումից հետո։ Ցավոք նույն տեղում դոփում ենք»։

Իսկ Դավութօղլուն իր գրառման մեջ ընդգծել է, որ Թուրքիայի քաղաքական ավանդույթի ամենակարևոր արժեքը ժողովրդին պատկանող վերջին խոսքի իրավունքն է, որն արտահայտվում է ընտրությունների միջոցով: «Անկախ արդարացումներից և փաստարկներից մարտի 31-ի ընտրություններից հետո տեղի ունեցածը և Բարձրագույն ընտրական խորհրդի՝ ընտրության արդյունքները չեղարկող որոշումը պատճառ են դարձել այս հիմնարար արժեքի վնասմանը»:

Թուրքական աղբյուրի բնորոշմամբ՝ նախկին պաշտոնյանները նման հայտարարություններով բացահայտորեն աջակցում են Թուրքիայի ընդդիմադիր քեմալական «Ժողովրդահանրապետական կուսակցությանը» (ԺՀԿ-CHP)-ը, որի թեկնածուն՝ Էքրեմ Իմամօղլուն, հաղթել էր Ստամբուլի քաղաքապետի ընտրություններում։

Աղբյուր` Ermenihaber.am

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։