Թուրքիայի փաստաբանական պալատները դատապարտել են ԿԸՀ-ի որոշումը

Քաղաքական12:52, 08 Մայիս 2019

Թուրքիայի փաստաբանական պալատները դատապարտել են ԿԸՀ-ի որոշումը

Թուրքիայում գործող 49 փաստաբանական պալատներ համատեղ մամուլի հաղորդագրություն են տարածել՝ դատապարտելով Կենտրոնական ընտրական հանձնաժողովի որոշումը։

Հաղորդագրության մեջ ընդգծվել է, որ ԿԸՀ-ի նշած հիմնավորմամբ Ստամբուլի ընտրությունների արդյունքների չեղարկումը «անհնար է ընդունել թե օրենքի, թե խղճի տեսակետից»։

«Այս որոշմամբ առ ոչինչ են համարվում մեր երկրի երկարատև ու փորձություններով լի ժողովրդավարության պատմության ընթացքում ձեռք բերված ողջ փորձը, իրավական կանոնակարգերը, ընտրական հանձնաժողովների գործունեությամբ ամրապնդված նախադեպային և սկզբունքային որոշումները։ Մինչդեռ այդ ամենը նրա համար էր, որպեսզի ընտրություններն անցկացվեն առողջ մթնոլորտում և թափանցիկ կերպով արտացոլեն ժողովրդի/ընտրողների կամքը։ ԿԸՀ-ի որոշմամբ մի կողմ է նետվում այս ողջ կուտակված փորձը։ Ընտրողների կասկածներն ու մտահոգությունները ընտրության արդյունքների վերաբերյալ այսուհետ կավելանան, իսկ ընտրական հանձնաժողովների նախագահներն ու անդամներն էլ կընկալվեն որպես պոտենցիալ օրինախախտներ։ Այս որոշումը, ցավոք, մեր ժողովրդավարության և իրավունքի պատմության մեջ կմնա որպես սև բիծ»,-ասված է հաղորդագրության մեջ։

Հայտարարությունը տարածվել է 49 քաղաքների, այդ թվում՝ Ստամբուլի, Անկարայի, Անթալիայի, Բուրսայի, Դիարբեքիրի, Գազիանթեպի, Սպարտայի, Մուշի, Սամսունի, Տրապիզոնի, Վանի փաստաբանական պալատների անունից։

Հիշեցնենք, որ Թուրքիայի իշխող «Արդարություն և զարգացում» (ԱԶԿ-AKP) և «Ազգայնական շարժում» (ԱՇԿ-MHP) կուսակցությունները բողոքարկել էին մարտի 31-ին կայացած Ստամբուլի քաղաքապետի ընտրությունների արդյունքները։ Արդյունքում Թուրքիայի Կենտրոնական ընտրական հանձնաժողովը մարտի 6-ին որոշել էր չեղյալ հայտարարել այդ ընտրություններում ընդդիմադիր թեկնածու Էքրեմ Իմամօղլուի հաղթանակը՝ պնդելով, թե ընտրական հանձնաժողովները կազմվել են օրենքի պահանջների խախտմամբ։ ԿԸՀ-ի որոշմամբ նոր ընտրությունները կանցկացվեն հունիսի 23-ին։

Աղբյուր` diken.com.tr

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։