Էքրեմ Իմամօղլու․«Թուրքիայում ժողովրդավարությունը վտանգված է»

Քաղաքական11:02, 10 Մայիս 2019

Էքրեմ Իմամօղլու․«Թուրքիայում ժողովրդավարությունը վտանգված է»

Թուրքիայի գլխավոր ընդդիմադիր «Ժողովրդահանրապետական» կուսակցության (ԺՀԿ-CHP) թեկնածու Էքրեմ Իմամօղլուն հարցազրույց է տվել անգլիական Times թերթին և ընդգծել, որ Թուրքիայում ժողովրդավարությունը վտանգված է։

Միջանկյալ նշենք, որ Իմամօղլուն մարտի 31-ին Թուրքիայում տեղի ունեցած ՏԻՄ ընտրություններում Ստամբուլի քաղաքապետ էր ընտրվել, սակայն կարճ ժամանակ անց Կենտրոնական ընտրական հանձնաժողովի կողմից ընտրության արդյունքները չեղյալ էին հայտարարվել։

Ընդդիմադիր թեկնածուն նշել է, որ հունիսի 23-ին կայանալիք արտահերթ ընտրություններին շրջելու է Ստամբուլի բոլոր թաղամասներում։

Նրա խոսքով՝ այս ընտրություններին CHP֊ն ավելի լավ է պատրաստվում։

«Մարդիկ աղոթում էին, որ այդպիսի որոշում չընդունվեր, սակայն մենք պատրաստ ենք։ Փորձել եմ հույս ստեղծել, որպեսզի կարողանանք սկսել ժողովրդավարության համար մեր պայքարը»,֊ասել է նա։

Թեկնածուն փոխանցել է, որ արտասովոր հավատ է նկատում մարդկանց մոտ և ինքն իրեն համարում է նրանց դեմքն ու ձայնը։

Թերթում ասվում է, որ ընդդիմադիր կուսակցությունները գրեթե ամբողջովին դուրս են մղվել լրատվական դաշտից, քանի որ մամուլի գերակշիռ մասը պատկանում է ներկայիս իշխանություններին։

Աղբյուր` Halktv

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։