Ահմեթ Դավութօղլուն կարող է դուրս գալ իշխող կուսակցության շարքերից

Քաղաքական10:46, 13 Մայիս 2019

Ահմեթ Դավութօղլուն կարող է դուրս գալ իշխող կուսակցության շարքերից

Թուրքական «Hürriyet» թերթի հոդվածագիր Աբդուլքադիր Սելվին անդրադարձել է վերջին շրջանում Թուրքիայի նախկին վարչապետ «Արդարություն և զարգացում» կուսակցության (ԱԶԿ-AKP) երբեմնի առաջնորդներից Ահմեթ Դավութօղլուի՝ Ստամբուլի քաղաքապետի ընտրությունները չեղարկելու վերաբերյալ արտահայտած դիրքորոշմանն ու իշխող վերնախավի արձագանքին։

Հոդվածագիրն ուշադրություն է հրավիրում այն հանգամանքի վրա, որ Թուրքիայի նախագահ Ռեջեփ Թայիփ Էրդողանը Դավութօղլուի մասին խոսելիս օգտագործում է միայն «նախկին վարչապետ» ձևակերպումը։ Էրդողանը, ըստ Սելվիի, դրանով փորձում է ցույց տալ, որ Դավութօղլուն իրենց շարքերում այլևս անելիք չունի և չի բացառում Ռամազանի տոներից հետո նրա հեռացումը կուսակցությունից։

Իսկ Թուրքիայի նախկին նախագահ Աբդուլլահ Գյուլի վերաբերյալ Էրդողանը նշել էր, որ չի հանդիսանում ԱԶԿ-ի հիմնադիր և նախագահությունից հետո նույնիսկ կուսակցության անդամ չի եղել։

Հիշեցնենք, որ Ահմեթ Դավութօղլուն Թուրքիայի Կենտրոնական ընտրական հանձնաժողովի՝ Ստամբուլի ընտրությունները չեղարկելու մասին որոշումից հետո հայտարարել էր, որ այդ որոշումն ու ընտրություններից հետո ծավալված իրադարձությունները խարխլել են իրենց ընդհանուր արժեքները։

Աղբյուր` Hürriyet

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։