Թուրքիայում երեխաների անվտանգությունն ապահովված չէ

Իրավական13:43, 15 Մայիս 2019

Թուրքիայում երեխաների անվտանգությունն ապահովված չէ

Թուրքիայում գործող «Ուսումնատենչ երեխաների կրթության հիմնադրամը» կազմակերպել է երեխաների իրավունքներին նվիրված աշխատաժողով, որի արդյունքում թեմայի վերաբերյալ զեկույց է հրապարակվել։

Զեկույցի համաձայն՝ Թուրքիայում երեխաներին հաճախ ստիպում են աշխատել, զրկում են դպրոց հաճախելու իրավունքից, ենթարկում սեռական բռնության։ Արձանագրվել է, որ 2017թ․ այս երկրում սեռական ոտնձգությունների է ենթարկվել 18․623 երեխա։

Աշխատող երեխաների թիվը 2012թ․ Թուրքիայում կազմել է 601․000, 2016թ․՝ 709․000, իսկ 2018թ․ հատել է 2 միլիոնի սահմանը։ Ընդ որում՝ ամեն 10 աշխատող երեխայից 8-ը որպես աշխատող գրանցված չէ։

Զեկույցում ներառվել են նաև տվյալներ սիրիացի փախստականների վերաբերյալ։ Հեղինակները նշել են, որ սիրիացի փախստականների ավելի քան 45 տոկոսը երեխաներ են։ Այդ երեխաներից շուրջ 400․000-ը Թուրքիայում զրկված է դպրոց հաճախելու հնարավորությունից։ Ընդհանուր առմամբ 2016-2017թթ․ Թուրքիայում դպրոց է հաճախել աշակերտական տարիքի երեխաների 96 տոկոսը։

Աղբյուր` odatv.com

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։