Թուրքիայի ԱԳՆ-ն քննդատել է Էրդողանի դեմ մահափորձ կազմակերպելու մեջ կասկածվողներին ազատ արձակելու Հունաստանի որոշումը

Քաղաքական07:05, 16 Մայիս 2019

Թուրքիայի ԱԳՆ-ն քննդատել է Էրդողանի դեմ մահափորձ կազմակերպելու մեջ կասկածվողներին ազատ արձակելու Հունաստանի որոշումը

Թուրքիայի արտգործնախարարությունը արձագանքել է Թուրքիայում ահաբեկչական համարվող, ձախակողմյան «Հեղափոխական ազգային ազատագրական կուսակցություն-ճակատի» (DHKP-C) 9 անդամի ազատ արձակման որոշմանը: Նրանք կալանավորվել էին Հունաստանում Թուրքիայի նախագահ Ռեջեփ Թայիփ Էրդողանի դեմ մահափորձ կազմակերպելու կասկածանքով:

Թուրքիայի արտգործնախարարության մամուլի խոսնակ Համի Աքսոյը գրավոր հայտարարություն է արել, որտեղ նշվում է. «Անհանգստությամբ ենք արձանագրում, որ Հունաստանը անվտանգ ապաստանի է վերածվել այնպիսի ահաբեկչական կառույցների համար, ինչպիսիք են` DHKP-C-ն, Քուրդիստանի բանվորական կուսակցության (PKK) և Ֆեթուլլահական կազմակերպությունը»:

Աքսոյը ընդգծել է, որ Թուրքիայի համար անընդունելի է, որ երկրում ահաբեկչական համարվող վերոհիշյալ կառույցներին Հունաստանում օգնում են, համակրում, հանդուրժում, ինչը դեմ է ահաբեկչության դեմ պայքարի պարտավորություններին:

Հայտարարության մեջ հիշեցվում է, որ DHKP-C-ն ԵՄ-ում նույնպես ահաբեկչական կազմակերպությունների ցանկում է դասվում և հունական դատարանի ընդունած որոշումը բնութագրվում է որպես խոչընդոտ Եվրոպայում ահաբեկչության դեմ պայքարին ուղղված ջանքերին:

Հիշեցնենք, որ Հունաստանի ոստիկանության կողմից բացահայտվել էր, որ հիշյալ անձինք Էրդողանի՝ Հունաստան կատարած այցին ընդառաջ ծրագրել էին նրա դեմ մահափորձ իրականացնել` օգտագործելով նռնակներ, նռնականետեր և մոլոտովյան կոկտեյլներ:

Նշվում է, որ «մահափորձի» ծրագրում Էրդողանին տրվել էր «կարիճ» (Akrep) ծածկանունը:
Ոստիկանության ստացած տվյալների համաձայն` Թուրքիայի նախագահի ուղղությամբ պետք է երկու կողմից գործի դրվեին նռնականետեր, այդ ընթացքում էլ DHKP-C-ի մի խումբ անդամներ հարձակվեին Էրդողանին ուղեկցող ավտոշարասյան վրա:

Հավելենք, որ DHKP-C-ի անդամները ձերբակալվել էին 2017թ. նոյեմբերին Աթենքում:

Աղբյուր` Ermenihaber.am

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։