Թուրքիայում ծնելիության մակարդակը զգալի անկում ունի

Հասարակական09:21, 17 Մայիս 2019

Թուրքիայում ծնելիության մակարդակը զգալի անկում ունի

2018թ․ Թուրքիայում 3․6 տոկոսով նվազել է ողջ ծնված երեխաների թիվը։

Թուրքիայի վիճակագրական ընկերության (TÜİK) հրապարակած տվյալների համաձայն՝ 2018թ․ երկրում ծնվել է 1 մլն 248․847 երեխա։ Նրանցից 51․3 տոկոսը եղել են տղաներ, 48․7 տոկոսը՝ աղջիկներ։ Նշենք, որ 2017թ․ ողջ ծնված երեխաների թիվը կազմել էր 1 մլն 295․784։

Թուրքիայիում ծնելիության ընդհանուր գործակիցը, որը հաշվվում է ըստ մեկ կնոջ կողմից կյանքի ընթացքում լույս աշխարհ բերված երեխաների թվի, 2017թ․ կազմել է 2․07, իսկ 2018թ․՝ 1․99։ 2018թ․ Թուրքիայում ծնելիության ընդհանուր գործակիցն ամենից բարձր է եղել Շանլըուրֆայում (4.13), իսկ ամենից ցածր՝ Գյումյուշհանեում (1․30)։

15-19 տարեկան դեռահասների շրջանում ծնելիության գործակիցը, որն արտահայտվում է յուրաքանչյուր 1000 կնոջ բաժին ընկնող կենդանածին երեխաների թվով, 2013թ․ կազմել է 29, 2018թ․՝ 19։

Իսկ ամեն 1000 բնակչին բաժին ընկնող ծնունդների քանակով հաշվվող ծնելիության մակարդակը 2017թ․ Թուրքիայում կազմել է 16․10, 2018թ․ այդ ցուցանիշը հասել է 15․30-ի։ 2018թ․ Թուրքիայում ծնելիության մակարդակը ամենից բարձր է եղել Շանլըուրֆա (31․30), Շըրնաք (27․20), Մուշ (25․70), Աղրը (25․30) նահանգներում, իսկ ամենից ցածր՝ Էդիրնեում (9․50), Զոնգուլդաքում (9․70), Գիրեսունում (9.90):

Աղբյուր` cnnturk.com

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։