Գերմանացի քաղաքական գործիչը համերաշխություն է հայտնել Թուրքիայի ընդդիմությանը

Քաղաքական07:08, 20 Մայիս 2019

Գերմանացի քաղաքական գործիչը համերաշխություն է հայտնել Թուրքիայի ընդդիմությանը

Գերմանիայի «Քրիստոնյա–դեմոկրատական միություն» (CDU) կուսակցության նախագահ Անեգրետ Կրամպ-Կարենբաուերը համերաշխություն է հայտնել Թուրքիայի ընդդիմադիր ուժերին։

Եվրոպական խորհրդարանում (ԵԽ) կայանալիք ընտրություններին ընդառաջ Դույսբուրգում ելույթ ունեցած Կրամպ-Կարենբաուերն անդրադարձել է Ստամբուլի քաղաքապետի ընտրությունների չեղարկմանն ու նոր ընտրություններին։ Նա հայտարարել է, որ ԵԽ ընտրություններում օգտագործված յուրաքանչյուր քվե միաժամանակ լինելու է նաև Թուրքիայի ընդդիմադիր ուժերի օգտին, քանի որ այդ երկրում նման ընտրական ազատություն չկա։

«Մենք Ստամբուլի օրինակով տեսանք, թե ինչպես է Թուրքիայում չեղարկվում ժողովրդավարական որոշումը միայն նրա համար, որ դա հանրապետության նախագահի սրտով չէ։ Մենք հայտարարում ենք, որ այս ընտրություններն ու այս քվեները շատ կարևոր են, քանի որ մենք այս ընտրություններում մեր ձայնը տալիս ենք նաև նման ազատությունից զուրկ Թուրքիայի ընդդիմադիր ուժերին», - ասել է գերմանացի գործիչը։

Նա նաև նշել է, որ Ստամբուլի ընտրողները պայքարում են, որպեսզի իրենց քաղաքապետը ևս մեկ հնարավորություն ստանա, որպեսզի իրենք կարողանան իրենց ուղերձը բարձրաձայնել ազատությունը ոտնահարող քաղաքականություն հեղինակ Էրդողանին։

Նշենք, որ Անեգրետ Կրամպ-Կարենբաուերը կուսակցության նախագահ է ընտրվել 2018թ․ դեկտեմբերի 7-ին՝ այդ պաշտոնում փոխարինելով կանցլեր Անգելա Մերկելին։

Աղբյուր` demokrathaber.org

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։