Էրդողանին վիրավորելու մեջ մեղադրվող լրագրողը դատապարտվել է շուրջ 1 տարի ազատազրկման

Իրավական08:00, 20 Մայիս 2019

Էրդողանին վիրավորելու մեջ մեղադրվող լրագրողը դատապարտվել է շուրջ 1 տարի ազատազրկման

Թուրքիայում հերթական անգամ լրագրողին մեղադրանք է առաջադրվել՝ երկրի նախագահին վիրավորելու համար։ Այդըն նահանգի Քուշադասը շրջանի տեղական թերթի թղթակից Մուստաֆա Յայլան դատապարտվել է 11 ամիս 20 օր ազատազրկման։

Դատարանի որոշումն արդեն ուժի մեջ է մտել և լրագրողը տեղափոխվել է բանտ, քանի որ դատարանը պատիժը պայմանականորեն հետաձգելը կամ փոխարինելը նպատակահարմար չի համարել։

Լրագրողը մեղադրվում է երեք տարի առաջ սոցիալական ցանցում Էրդողանին ուղղված վիրավորական գրառում կատարելու մեջ։ Նա բողոքարկել է դատարանի վճիռը, բայց շրջանային վերաքննիչ դատարանը անփոփոխ է թողել վճիռը։

Արդյունքում ընդամենը 20 օր առաջ ամուսնացած և Իզմիրում բնակություն հաստատած Մուստաֆա Յայլան մայիսի 18-ին կալանավորվել և տեղափոխվել է Թորբալըի բանտ։

Աղբյուր` diken.com.tr

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։