Երկար ընդմիջումից հետո Թուրքիայում ցմահ բանտարկված Օջալանը կհանդիպի փաստաբանների հետ

Իրավական12:48, 22 Մայիս 2019

Երկար ընդմիջումից հետո Թուրքիայում ցմահ բանտարկված Օջալանը կհանդիպի փաստաբանների հետ

Թուրքիայի Իմրալը կղզու բանտում ցմահ ազատազրկված «Քուրդիստանի բանվորական կուսակցության» (ՔԲԿ-PKK) առաջնորդ Աբդուլլահ Օջալանի և վերջինիս փաստաբանների միջև հանդիպում է կայանալու։ Դա հնարավոր է դարձել Թուրքիայի արդարադատության նախարար Աբդուլհամիթ գյուլի՝ Օջալանի հետ հանդիպման արգելքը վերացվելու մասին հայտարարությունից հետո միայն:

Որոշումից հետո Օջալանի փաստաբանները Բուրսայի դատախազություն համապատասխան դիմում են ուղարկել, որն էլ բավարարվել է։

Թուրքական աղբյուրը նշում է, որ 2011-ից մինչ օրս փաստաբանները 810 դիմում են ներկայացրել դատախազին Օջալանի հետ հանդիպելու համար, սակայն բոլորն էլ մերժվել են տարբեր պատճառներով։ Հայտնի է, որ այս նախօրեին՝ առավոտյան փաստաբանները արդեն մեկնել են Իմրալը կղզի Օջալանի հետ հանդիպելու համար։

Հիշեցնենք, որ արգելքը սահմանվել էր Օջալանի և փաստաբանների վերջին հանդիպումից՝ 2011թ․ հուլիսի 22-ից հետո:

Աղբյուր` Gazetekarinca

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։