Թուրքական սերիալում հայը ներկայացվում է որպես ստոր և դավաճան մարդ

Քաղաքական07:47, 24 Մայիս 2019

Թուրքական սերիալում հայը ներկայացվում է որպես ստոր և դավաճան մարդ

Թուրքիայի խորհրդարանի հայ պատգամավոր, ընդդիմադիր «Ժողովուրդների դեմոկրատական» (HDP) քրդամետ կուսակցության անդամ Կարո Փայլանը խստորեն քննադատել է թուրքական պետական հեռուստաընկերությանը (TRT):

Պատճառն այն է, որ Ստամբուլի քաղաքապետի ընտրություններին ընդառաջ հեռուստաալիքը ցուցաբերում է ակնհայտ կողմնակալություն:

Փայլանը նաև նշել է այն երևույթի վտանգավորության մասին, երբ հեռուստատեսությունը պատմական-քաղաքական սերիալների միջոցով փորձում է տարաբնույթ ուղերձներ հղել տարբեր հասցեատերերի:

Որպես օրինակ Փայլանը մատնանշել է պատմական փաստերի ակնհայտ խեղաթյուրմամբ նկարահանված «Գահանիստ. Աբդուլհամիդ» (Payitaht Abdülhamid) հեռուստասերիալը, որն այժմ ցուցադրվում է TRT-ով ու կոնկրետ ուղերձներ է պարունակում։

Վերջերս այդ սերիալի միջոցով գրեթե սպառնալիքի հասնող ուղերձներ են հնչել Թուրքիայի նախկին նախագահ Աբդուլլահ Գյուլի և նախկին վարչապետ Ահմեթ Դավութօղլուի հասցեին։

Եվ ահա նույն այդ սերիալում այս անգամ թիրախավորել են հայի կերպարը։ Կարո Փայլանը պատմել է, որ այդ սերիալում հայտնվել է հայի կերպար, ով ներկայացվում է իբրև ստոր, դավաճան մեկը: Իսկ ամենահետաքրքիրն այն է, որ նրա անունը հենց Կարո է։ Բնականաբար, ոչ պատահական:

Հայ պատգամավորը հիշեցրել է, որ օսմանյան բազմաթիվ բարձրաստիճան պաշտոնյաներ հայեր են եղել։ Հայ է եղել նաև հենց Աբդուլհամիդի հարազատ մայրը։ Իսկ այդ մասին սերիալում ոչինչ չի ասվում։ Հայը ներակայացվում է միայն դավաճանի կերպարով, անունն էլ՝ Կարո։

Աղբյուր` Ermenihaber.am

Այս ենթաբաժնի վերջին նորությունները

10:15, 05 նոյ

Էրդողանը Ղրղզստանում է

Թուրքիայի նախագահը Բիշքեկ է մեկնել՝ մասնակցելու «Թյուրքական պետությունների կազմակերպության պետության ղեկավարների խորհրդի 11-րդ գագաթնաժողովին»։

15:48, 04 նոյ

Էրդողանը հանդիպել է Իրաքի վարչապետի հետ

Հանդիպման օրակարգում են եղել երկկողմ հարաբերությունները, ահաբեկչության դեմ պայքարը, Պաղեստինի Գազայի հատվածում և Լիբանանում տիրող իրավիճակն ու Իսրայելի գործողությունները։

12:37, 04 նոյ

Միցոտակիս․ «Հունաստանում Թուրքիայի հետ պատերազմելու կոմնակիցներ կան»

Հունաստանի վարչապետն անդրադարձել է թուրք-հունական հարաբերություններին՝ նոյեմբերի 8-ին Թուրքիայի արտգործնախարար Հաքան Ֆիդանի՝ Աթենք իրականացվելիք այցին ընդառաջ։