Իրաքյան Քուրդիստանի թուրքմեն պատգամավորի մուտքը Թուրքիա արգելվել է

Իրավական09:31, 24 Մայիս 2019

Իրաքյան Քուրդիստանի թուրքմեն պատգամավորի մուտքը Թուրքիա արգելվել է

Իրաքյան Քուրդիստանի խորհրդարանի քարտուղար, ազգությամբ թուրքմեն պատգամավոր Մունա Քահվեջիին արգելվել է մուտք գործել Թուրքիա: Ըստ պատգամավորի՝ պատճառն այն է, որ ինքն աջակցել է Հյուսիսային Իրաքի քրդական ինքնավարության անկախության հանրաքվեին:

«Հպարտանում եմ, որ թուրքմեն եմ և միևնույն ժամանակ հպարտ եմ, որ քուրդիստանցի եմ: Իրաքյան Քուրդիստանի խորհրդարանում ես ներկայացնում եմ թուրքմեններին: Իմ մուտքն արգելվել է Թուրքիա այն հիմնավորմամբ, որ ես «Հանրաքվեի բարձրագույն խորհրդի» անդամ եմ եղել»,-ասել է Քահվեջին:

Պատգամավորը նշել է, որ երբ դիմել է վիզա ստանալու և Թուրքիա ճանապարհորդելու համար, մերժել են ու անձնագիրը առանց վիզայի կնիքի են վերադարձել իրեն:

«Այս դեպքի առնչությամբ դիմեցինք համապատասխան հաստատություն՝ ճշտելու, թե ի՞նչ հիմնավորմամբ են մերժել մեր դիմումը: Ինձ պատասխանեցին, որ արգելվում է «ընտանիքով Թուրքիա մուտք գործել»:

Թուրքմեն պատգամավորի խոսքով` նման նախաձեռնություններն անհամատեղելի են ժողովրդավարության և համակեցության սկզբունքների հետ:

Աղբյուր` Gazeteduvar

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։