ՄԱԿ-ը վերջնագիր է ներկայացրել Թուրքիային

Իրավական07:11, 30 Մայիս 2019

ՄԱԿ-ը վերջնագիր է ներկայացրել Թուրքիային

ՄԱԿ-ի մարդու իրավունքների հանձնաժողովը (ՄԻՀ) Թուրքիային 180 օր ժամանակ է տվել, որպեսզի ազատ արձակի 2017թ. Մալայզիայից Թուրքիային հանձնված երկու անձի: Նրանք ձերբակալվել են երկրում ահաբեկչական համարվող «Ֆեթուլլահական կազմակերպությանը» անդամակցելու մեղադրանքով:

ՄԱԿ-ի ՄԻՀ-ը Թուրքիայից պահանջել է նշված ժամկետում վերականգնել նրանց իրավունքները:

Անազատության մեջ գտնվող անձինք 13 տարի բնակվել են Մալայզիայում: Նրանցից մեկը գիտնական Իսմեթ Օզչելիքն է, իսկ մյուսը միջազգային «Time» դպրոցի տնօրեն Թուրգայ Քարամանը:

«Թուրքիայի իշխող կուսակցությունը պետք է ազատ արձակի գրողներին: Այս անձանց իրավունքները պետք է բավարար կերպով վերականգնվեն, քանի որ նրանք բռնության են ենթարկվել և զոհի կարգավիճակում հայտնվել»,-նշվում է ՄԻՀ-ի զեկույցում:

Զեկույցում հիշեցվում է նաև, որ Թուրքիան ստորագրել է մարդու իրավունքների միջազգային կոնվենցիաները, ապա տեղեկացվում, որ այս իրավիճակի հետ կապված անհրաժեշտ է արդյունավետ միջոց գտնել:

Նշվում է, որ Թուրքիան նման գործողությունները կապում է արտակարգ դրության պայմանների հետ, ինչպես նաև այն պնդման հետ, թե սպառնալիք է ստեղծվել պետության անվտանգության համար, սակայն այդ հիմնավորումներն անընդունելի են և չեն կարողանում բացատրել, թե այդ անձինք ինչպիսի սպառնալիք են ստեղծել:

Հիշեցնենք, որ Թուրքիայում 2016թ. հուլիսի 15-ին տեղի է ունեցել ռազմական հեղաշրջման փորձ, ինչի հետևանքով մինչև այսօր 77.000 մարդ է ձերբակալվել: Նրանք մեղադրվում են Թուրքիայում ահաբեկչական համարվող գյուլենական համայնքի անդամ լինելու և հեղաշրջում կամակերպելու մեջ:

Աղբյուր` Diken.com.tr

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։