Ըստ Bloomberg-ի՝ Թուրքիան ծրագրում է ռուսական S-400-ները տեղակայել Միջերկրական ծովում

Ռազմական06:42, 31 Մայիս 2019

Ըստ Bloomberg-ի՝ Թուրքիան ծրագրում է ռուսական S-400-ները տեղակայել Միջերկրական ծովում

Մամուլում շրջանառվում են տեղեկություններ այն մասին, որ Թուրքիան մտադիր է Ռուսաստանից գնած S-400 զենիթահրթիռային ՀՕՊ համակարգերը տեղակայել երկրի հարավային ափին:

Ամերիկյան հեղինակավոր «Bloomberg»-ի փոխանցմամբ` Թուրքիան ծրագրում է դա անել այն բանից հետո, երբ Միջերկրական ծովում բնական գազի որոնման աշխատանքների պատճառով լարվածություն ունեցավ Կիպրոսի հետ:

Ըստ որոշ տեղեկությունների` Թուրքիան ծրագրում է S-400-ները տեղակայել ոչ միայն Միջերկրականի ափին, այլ նաև ռուսների կողմից Թուրքիայում կառուցվող «Akkuyu» ատոմակայանի հարակից տարածքում:

Թեմայի առնչությամբ Թուրքիայի կառավարությունը որևէ մեկնաբանություն չի արել:

Նշենք, որ ռուսական S-400 ՀՕՊ համակարգերի մատակարարման շուրջ Թուրքիայի և ԱՄՆ-ի միջև լարվածություն է առաջացել:

Նախօրեին ԱՄՆ-ի պետդեպի խոսնակ Մորգան Օրտագուսը հայտարարել էր, որ եթե Թուրքիան ավարտին հասցնի ռուսական S-400 ՀՕՊ համակարգերի գնումը, ապա Վաշինգտոնը կկիրառի CAATSA («Պատժամիջոցների միջոցով Ամերիկայի հակառակորդներին հակազդելու մասին») օրենքը:

Աղբյուր` Sozcu

Այս ենթաբաժնի վերջին նորությունները

12:06, 27 նոյ

Թուրքիան Bayraktar անօդաչու թռչող սարքեր կմատակարարի Բոսնիա և Հերցեգովինային

Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: