Թուրքիան 8 կետով նահանջել է «Տնտեսության բացության համընդհանուր ինդեքսում»

Տնտեսական11:02, 05 Հունիս 2019

Թուրքիան 8 կետով նահանջել է «Տնտեսության բացության համընդհանուր ինդեքսում»

Թուրքիայում զգալիորեն սահմանափակվել են թե ներքին, թե միջազգային շուկայում առևտրով զբաղվելու հնարավորությունները։ Այս մասին հայտնի է դարձել «2019թ․ Տնտեսության բացության համընդհանուր ինդեքսից», որը բնութագրում է ուսումնասիրվող երկրների՝ ներքին և արտաքին առևտրի հնարավորությունները։

Նախորդ տարի այս ինդեքսում 55-րդ հորիզոնականը զբաղեցրած Թուրքիան այս տարի նահանջել է 8 կետով՝ հայտնվելով 63-րդ տեղում։

Ցանկի առաջին հորիզոնականում տեղ է գտել Հոնգկոնգը, երկրորդում՝ Սինգապուրը, երրորդում՝ Նիդերլանդները։ Լավագույն տասնյակում ընդգրկվել են նաև Շվեյցարիան, Դանիան, Նորվեգիան, Անգլիան, Շվեդիան, ԱՄՆ-ը, Գերմանիան։ Վերջին հորիզոնականները զբաղեցրել են Եմենը, Կոնգոյի Դեմոկրատական Հանրապետությունն ու Չադը։

Այս տարի զեկույցի հեղինակներն ուսումնասիրել ու դասակարգել են 157 երկրների առևտրատնտեսական հնարավորությունները։ Հավելենք, որ վերջին 10 տարվա ընթացքում համաշխարհային մակարդակով միջազգային առևտրային հնարավորություններն ու տնտեսական բացությունը աճել են 8 տոկոսով։

Աղբյուր` sozcu.com.tr

Այս ենթաբաժնի վերջին նորությունները

16:50, 15 նոյ

Թուրքիան ու Ադրբեջանը խորացնում են համագործակցությունը տուրիզմի ոլորտում

Համաձայնագիրը կնքվել է Բաքվում ընթացող ՄԱԿ-ի 29-րդ կլիմայական համաժողովի՝ COP29-ի շրջանակներում:

14:57, 15 նոյ

2024-ին Թուրքիայում գնաճը կկազմի 59.8%

Եվրահանձնաժողովը կանխատեսուներ է արել ու հրապարակել տվյալներ, որոնք վերաբերում են 2024-ի վերջին Թուրքիայում սպասվող գնաճին (ինֆլյացիա) ։

14:25, 14 նոյ

Ինքնաթիռների վերանորոգմամբ զբաղվող ընկերությունը Թուրքիայում 100 մլն դոլարի ներդրում կկատարի

«AMAC Aerospace» կազմակերպությունը Թուրքիայի Բոդրումի օդանավակայնում ինքնաթիռների կայանման, տեխնիկական վերանորոգման և պահպանման նոր շինություն է կառուցելու։