Հունաստանի պաշտպանության նախարարը կոչ է արել Թուրքիային հարգել միջազգային իրավունքի նորմերը

Ռազմական10:56, 07 Հունիս 2019

Հունաստանի պաշտպանության նախարարը կոչ է արել Թուրքիային հարգել միջազգային իրավունքի նորմերը

Վաշինգտոնում ավարտվել են «Արդարություն Կիպրոսի համար» միջազգային համակարգող հանձնաժողովի (PSEKA) 35-րդ ընդհանուր ժողովի աշխատանքները։

Եզրափակիչ ընթրիքին հյուրընկալվել է նաև Հունաստանի պաշտպանության նախարար Էվանգելոս Ապոստոլակիսը։ Վերջինս իր ելույթում մտահոգություն է հայտնել Թուրքիայի՝ Կիպրոսին պատկանող հատուկ տնտեսական գոտու տարածքում հորատման աշխատանքներ իրականացնելու մտադրության առթիվ։

«Կոչ ենք անում Թուրքիային՝ հարգել ծովային տարածքներում Կիպրոսի իրավունքները և զերծ մնալ միջազգային իրավունքը խախտող ու տարածաշրջանային կայունությունն ու բարօրությունը խաթարող միակողմանի գործողություններից», - ասել է Հունաստանի պաշտպանության նախարարը։

Իսկ Կիպրոսի նախագահի արտերկրյա և հումանիտար հարցերով հանձնակատար Ֆոտիո Ֆոտիսը հիշեցրել է, որ այս տարի լրանում է Կիպրոսում թուրքական զավթողականության ու օկուպացիայի 45-րդ տարին։ Նա հավելել է, որ այդ օկուպացիային վերջին շրջանում ավելացել էլ է ևս մեկ հիմնախնդիր՝ Կիպրոսի հատուկ տնտեսական գոտու դեմ ոտնձգությունները։

Հանձնակատարը ընդգծել է, որ թուրքական նավերի կողմից Կիպրոսին պատկանող ջրերում հորատման աշխատանքների իրականացումը հակասում է միջազգային իրավունքի նորմերին։

Աղբյուր` kibrispostasi.com

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: