Թուրքիայի պաշտպանության նախարարը Նախիջևանում հանդիպել է Զաքիր Հսանովի հետ

Ռազմական11:57, 11 Հունիս 2019

Թուրքիայի պաշտպանության նախարարը Նախիջևանում հանդիպել է Զաքիր Հսանովի հետ

Թուրքիայի պաշտպանության նախարար Հուլուսի Աքարը մեկնել է Նախիջևան, որպեսզի հետևի հունիսի 7-ից Նախիջևանում ընթացող «Անխախտելի եղբայրություն - 2019» թուրք-ադրբեջանական համատեղ զորավարժությանը։

Աքարին դիմավորել են Նախիջևանի ինքնավար Հանրապետության վարչապետ Էլովսեթ Բահշիևը, Նախիջևանի բանակի հրամանատար, գեներալ-գնդապետ Քերեմ Մուսաֆաևը, ինչպես նաև Ադրբեջանում Թուրքիայի արտակարգ և լիազոր դեսպան Էրքան Օզորալը։

Այցի ընթացքում Աքարը հանդիպել է Ադրբեջանի պաշտպանության նախարար Զաքիր Հասանովի, ինչպես Նախիջևանի խորհրդարանի նախագահ Վասիֆ Թալիբովի հետ։

Աքարը իրազեկվել է զորավարժության ընթացքի մասին։ Աքարը լրագրողների հետ զրույցում շեշտել է, որ Թուրքիան շարունակելու է լինել Ադրբեջանի կողքին ցանկացած իրավիճակում և ցանկացած վտանգի դեմ միջոցներ են ձեռնարկելու համատեղ։

Հիշեցնենք, որ Նախիջևանում ընթացող զորավարժությունը տևելու է մինչև հունիսի 11-ը։

Աղբյուր` Anadolu

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: