Թուրք պատգամավորը՝ Թուրքիայի փոխնախագահին. «Ձերբակալվե՞լ են հայաստանցի կնոջ վրա հարձակվածները»

Հասարակական07:00, 14 Հունիս 2019

Թուրք պատգամավորը՝ Թուրքիայի փոխնախագահին. «Ձերբակալվե՞լ են հայաստանցի կնոջ վրա հարձակվածները»

Թուրքիայի ընդդիմադիր քեմալական «Ժողովրդահանրապետական կուսակցության» (CHP) Ստամբուլի պատգամավոր Սեզգին Թանրըքուլուն մի քանի հարցադրում է հղել Թուրքիայի փոխնախագահ Ֆուաթ Օքթային՝ Ստամբուլում Արփինե անունով հայաստանցի կնոջ վրա կատարած հարձակման կապակցությամբ։

Մայիսի 31-ին Ստամբուլի Սամաթիա թաղամասում անհայտ անձինք ներխուժել էին Արփինեի բնակարան և դանակահարել նրան: Այնուհետև դիմել էին փախուստի՝ բղավելով, «սա դեռ սկիզբն է»։ Դեպքի կապակցությամբ հետաքննություն էր սկսվել։

Ընդդիմադիր պատգամավորը, ընդգծելով, որ այդ հարձակման հետևանքով հայ ընտանիքը մտադիր է վերադառնալ Հայաստան, Օքթային հղել է հետևյալ հարցերը.

1. Արդյո՞ք Արփինե Թումանյանի վրա կատարված հարձակման մեղավորները ձերբակալված են, ի՞նչ տեսակ միջոցներ են ձեռնարկվել։ Հարձակումն իրականացրածների առնչությամբ ինչպիսի ապացույցներ են ի հայտ եկել:

2. Եթե հարձակումը կատարած անձինք դեռ չեն ձերբակալվել, ապա ո՞րն է պատճառը։

3. Սամաթիայում որևէ հետաքննություն իրականացվո՞ւմ է հայ քաղաքացիների տների վրա արված գրանշումների կապակցությամբ։

4. Վերջին 3 տարում քանի՞ մարդ է բերման ենթարկվել հայ քաղաքացիների, կամ նրանց տների վրա կատարված հարձակումների համար: Եթե կան այդպիսիք, ապա ինչպիսի՞ պատժատեսակ ու պատժաչափ է սահմանվել։

5. Արդյո՞ք Թուրքիայի ներքին գործերի նախարարությունն իրականացնում է որևէ աշխատանք հայերի դեմ պարբերաբար իրականացվող հարձակումները և սպառնալիքները կանխարգելելու ուղղությամբ:

Աղբյուր` Evrenesel

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։