Անթալիայի նահանգապետարանն արգելել է ԼԳԲՏ համայնքի շքերթը

Իրավական05:58, 18 Հունիս 2019

Անթալիայի նահանգապետարանն արգելել է ԼԳԲՏ համայնքի շքերթը

Անթալիայի նահանգապետարանը արգելել է ԼԳԲՏ (լեսբի, գեյ, բիսեքսուալ, տրանսգենդեր) համայնքի շքերթը և դրան հարող այլ քայլերթերի, մամուլի ասուլիսների, նստացույցերի և նմանատիպ միջոցառումների անցկացումը:

Նահանգապետարանն այդ շքերթն արգելելու հիմնավորման մեջ նշել է.

«Հակադիր ճամբարների միջև բախումից խուսափելու անհրաժեշտությունը, հասարակական կարգի և ազգային անվտանգության պահպանումը, հնարավոր բռնության և ահաբեկչական ակտերի կանխումը, պետության և ժողովրդի անքակտելի միասնության, այլոց իրավունքների և ազատությունների պահպանումը»:

Շքերթն արգելելու որոշման հետ կապված Մարդու իրավունքների պաշտպանության Անթալիայի մասնաճյուղը գլխավոր խորհրդի արտակարգ նիստ է հրավիրել, որին մասնակցել է նաև քրդամետ «Ժողովուրդների դեմոկրատական կուսակցության» պատգամավոր Քեմալ Բյուլբյուլը:

Պատգամավորը դատապարտել է սույն որոշումը և հավելել, որ ԼԳԲՏ համայնքի շքերթը ժողովրդավարության դրսևորում է և դրա արգելումը ոչ այլ ինչ է, եթե ոչ մարդու իրավունքների խախտում և ֆաշիստական տեսակետ:

«Անթալիայի կանանց պլատֆորմ» կազմակերպությունն էլ այս շքերթի արգելումը հակաիրավական է որակել:

Աղբյուր` Diken

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։