Դեմիրթաշը բանտից կոչ է արել Ստամբուլի ընտրություններում սատարել ընդդիմադի թեկնածու Իմամօղլուին

Քաղաքական10:42, 18 Հունիս 2019

Դեմիրթաշը բանտից կոչ է արել Ստամբուլի ընտրություններում սատարել ընդդիմադի թեկնածու Իմամօղլուին

Թուրքիայում ձերբակալված քրդամետ «Ժողովուրդների դեմոկրատական կուսակցության» (ԺԴԿ-HDP) նախկին համանախագահ Սելահաթթին Դեմիրթաշը Twitter-ի պաշտոնական էջում գրառում է արել Ստամբուլում կայանալիք ընտրությունների մասին:

Դեմիրթաշը կոչ է արել հունիսի 23-ին կայանալիք Ստամբուլի քաղաքապետի ընտրություններում աջակցել ընդդիմադիր «Ժողովրդահանրապետական կուսակցության» (CHP-ԺՀԿ) թեկնածու Էքրեմ Իմամօղլուին:

Գրառման մեջ մասնավորապես ասվում է.

«Այսօրվա համար հավատում ենք, որ պետք է աջակցություն ցուցաբերվի Իմամօղլուին, քանի որ մենք միասին ենք լավ: Առանց HDP-ի, HDP-ին անտեսելով ոչինչ չի կարող բավականաչափ լավ լինել: Ոմանք թող արդեն հասկանան, որ ուժով ոչ մի բան լավ չի լինում»:

Ստամբուլի ընտրություններում ընդդիմադիր թեկնածուի կարգախոսն է` «Ամեն ինչ լավ է լինելու»:

Հիշեցնենք, որ Սելահաթթին Դեմիրթաշը 2016թ. նոյեմբերից գտնվում է բանտում: Նա մարտի 31-ին կայացած ՏԻՄ ընտրություններին նույնպես HDP-ի ընտրողներին կոչ էր արել այն շրջաններում, որտեղ HDP-ն թեկնածու չի առաջադրել, քվեարկել ընդդիմադիր թեկնածուների օգտին:

Աղբյուր` Diken

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։